АҞӘА, хәажәкыра 11 – Sputnik. Хәажәкыра 17-18 рзы Адәныҟатәи аусқәа рминистр Виачеслав Чрыгба Москваҟа усутә визитла дцоит. Аԥснытәи аделегациа иалахәхоит Адәныҟатәи аусқәа рминистрреи атәыла Ахада Иусбарҭеи рхаҭарнакцәа. Аиԥылара теманы иазыҟалоит Женеватәи аиҿцәажәарақәа. Абри азы адырра ҳарҭеит Адәныҟатәи аусқәа рминистрраҟны.
"Хәажәкыра 17-18 рзы Адәныҟатәи аусқәа рминистр Виачеслав Чрыгба Москваҟа усутә визитла дцоит", — рҳәеит аминистрраҟны.
Урыстәылатәи аган ахьӡала аиԥылара далахәхоит Урыстәыла Адәныҟатәи аусқәа рминистр ихаҭыԥуаҩ Григори Карасин.
Женеватәи аиҿцәажәарақәа мҩаԥысуеит 2008 шықәса жьҭаарамза инаркны, ЕС-и, ООН-и, ОБСЕ-и рыбжьаҟазарала. Аиԥыларақәа ирылахәуп Аԥсныи, Аахыҵ Уаԥстәылеи, Қырҭтәылеи, Урыстәылеи Еиду Америкатәи аштатқәеи рделегациақәа.
