Урыстәылеи Аԥсни рыбжьара Аикәшаҳаҭра ҿыц азы В. Чрыгба игәаанагара

Аԥсны Адәныҟатәи аусқәа Рминистр В. Чрыгбеи, Урыстәыла Адәныҟатәи аусқәа Рминистр С. Лаврови
Аԥсны Адәныҟатәи аусқәа Рминистр В. Чрыгбеи, Урыстәыла Адәныҟатәи аусқәа Рминистр С. Лаврови - Sputnik Аҧсны
Анапаҵаҩра
Аԥсны адәныҟатәи аусқәа Рминистр Виачеслав Чрыгба Урыстәылеи Аԥсни рыбжьара аиҩызареи аилаҵәареи рзы Аиқәшаҳаҭра апроект ҿыц хымԥада иаҭахны иԥхьаӡоит

АҞӘА, жьҭ 27 – Спутник Аԥсны. Аԥсны адәныҟатәи аусқәа Рминистр Виачеслав Чрыгба Урыстәылеи Аԥсни рыбжьара аиҩызареи аилаҵәареи рзы Аиқәшаҳаҭра апроект ҿыц хымԥада иаҭахны иԥхьаӡоит, Қырҭтәыла имҩаԥнаго агрессивтә политика иахҟьаны.
Аминистр иазгәеиҭоит, ашәарҭадара азҵаарақәа рыӡбараҿы Урыстәылеи Аԥсни ринтересқәа шеиқәшәо, уи азы аилибакаара бзиа шыҟоу.
Ашәарҭадара азҵаарақәа рыӡбараан аидгылара аарԥштәуп, избанзар, Қырҭтәыла НАТО алаларазы имҩаԥырго аиҿцәажәарақәа, Аԥсны азы ашәарҭара аҵалар шалшо иҳәеит В. Чрыгба.
Абри афакт азҿлымҳара аҭо, иара убас адунеи аҿы иҟоу жәларбжьаратәи акризисқәа Украина, Сириа, Ирак, иазхәыцны, ихымԥадатәиуп Аԥсни Урыстәылеи рыбжьара аиҩызареи аилаҵәареи рзы Аиқәшаҳаҭра ҿыц, ҳәа иԥхьаӡоит В. Чрыгба.
Адәныҟатәи аусқәа Рминистр, Аиқәшаҳаҭра апроект ҿыц, иҭышәынтәалоу аексперттә хәшьара аиуроуп, иҳадаҳкыло аӡбарақәа ракәзар, Аԥсны Аконституциа иақәшәозар ауп, ҳәа азгәеиҭоит.
Ишәгәалаҳаршәоит, Аԥсни Урыстәылеи рыбжьара аиҩызареи аилаҵәареи рзы Аиқәшаҳаҭра апроект ҿыц ихадоу ахырхарҭақәа иреиуоуп, ашәарҭадареи, иаку асоциалтә-економикатә ҳәаақәеи реиҿкаара.

Ажәабжьқәа зегьы
0