06:43 26 Цәыббра 2017
Аҟәа+ 21°C
Ишиашоу ицо аефир
Швейцарский художник Огюстин Ребетэ

Швеицариатәи асахьаҭыхыҩ Аԥсны даҭаан дыҟоуп

Аналитикеи аиҿцәажәарақәеи
Икьаҿу ахьарԥш аиура
1510

29 шықәса зхыҵуа швеицариатәи асахьаҭыхыҩ Огиустин Роберте иусумҭақәа ӡыргоуп "Адрамтеатр асклад" ҳәа изышьҭоу аҟазара аҭыԥ аҟны. Аҭааҩцәа ирыдгалан афотоҭыхымҭақәа, аграфикатә усумҭақәа, анимациақәа.

29 шықәса зхыҵуа швеицариатәи асахьаҭыхыҩ Огиустин Роберте, ҳкорреспондент Инна Џьениаԥҳа илзеиҭеиҳәеит Аԥсныҟа иаара атәи иара изы аҟазара иамоу аҵаки ртәи.

– Огиустин, иаҳзеиҭаҳә аус здууло атәы.

– Сара аиҳарак снапы злаку афотоҭыхроуп. Сара 17 шықәса анысхыҵуаз аромантикатә ҟазшьа змаз ажәеинраалақәа зыҩуан францыз бызшәала, нас афотоҭыхра салагеит, насх – акәыкәлатә мультипликациахь (стоп моушен) сиасит. Сара еснагь сҽысыԥсахуеит, еиуеиԥшым аусхкқәа сыҽрыдызгалоит. Егьырҭ асахьаҭыхыҩцәа аус рыцызуеит. Ҳара аҿыцқәа ҳрышьҭоуп. Сара схатәы дунеи аԥысҵарц сыҽԥысшәоит. Даара бзиа избоит арежиссиор Бастер Китон иҟаиҵоз.

– Ари уара уԥсҭазаара иастильны иҟоума?

– Ари сара сыԥсҭазаароуп. Аҟазара иалнаршоит аидеиақәеи ацәаныррақәеи реимдара. Иҟалоит сара ауаҩы дысԥылар, иагьеилыскаар уи иҭыхра шысҭаху, аус идызулар шысҭаху. Сара исымоуп схатәы идеалқәа, аԥшӡара астандартқәа.

– Уусумҭақәа анаԥуҵо иугәыҵхои?

– Сара сыԥсҭазааратә форманы исшьо – абзиабароуп. Сара иҟасҵо зегьы гәылеи напылеи ауп ишыҟасҵо. Ауаҩытәыҩсатә цәанырра – абри ауп сара иаасырԥшырц исҭаху.

– Асахьаҭыхыҩ иҟазаратә мҩаҿы уадаҩрас иԥыларц иалшозеи?

– Аҟазара ԥынгыла амаӡам.

– Аҟазара знапы алаку ауаҩы еснагь гәыӷрақәак, гәаҳәарақәак имоуп. Уара?

– Сара исҭаху рацәоуп. Агәаҳәарақәагьы рацәаны исымоуп. Урҭ гәыԥлагьы еихысшеит: схатәқәа, ауаа зегьы ирзырхоу, маҷк ахагара зҵоу.

Швейцарский художник Огюстин Ребетэ: у творчества нет никаких границ
© Sputnik. Инна Джения
Швейцарский художник Огюстин Ребетэ: у творчества нет никаких границ

– "Ухатә гәаҳәара" атәы ҳауҳәар?

– Набыцра зқәым анасыԥ, абриоуп сара схатәы гәаҳәара. Зегь раасҭа исҭаху арежиссиор бзиа ҳәа сҟаларц ауп.

– Аԥсныҟа аара угәазырԥхеи?

– Иҟалон Ниу-Иорк сцар, мамзаргьы Лондон, аха Аԥсны алысхит. Аԥсны ак еиԥшым тәылоуп. Араҟа аҿиара амҩа шәануп.

– Уара аныҟәара бзиа иубома?

– Ааи. Аконтинентқәа зегьы рҟны сыҟан. Аха заҟа збо аҟара акгьы шысымбац сныруеит.

– Уҟазара аконцепциа хада?

– Аԥсҭазаара хазыноуп. Сымшқәа зегьы идеала иҭәуп. Акызаҵәык – аамҭа маҷуп. Иццаклатәуп.

Ихадоу атемақәа