Анастас Кичик: даара аинтерес сымоуп аҭыԥантәи ахәаԥшҩы аспекткаль шидикыло

© Sputnik Владимир БегуновАспектакль "Черная курица, или подземные жители" арежиссиор Анастас Кичик
Аспектакль Черная курица, или подземные жители арежиссиор Анастас Кичик - Sputnik Аҧсны
Анапаҵаҩра
36-тәи асезон Аурыс драматә театр аҿы иаартын жьҭаара 19 рзы аспектакль "Рождество в доме Купьелло" (Едуардо де Филиппо) апремиера ала. Абҵара 10 рзы асезон иацнаҵоит аспектакль "Черная курица, или подземные жители".

Аспектакль "Черная курица, или подземные жители" арежиссиор Анастас Кичик Sputnik акорреспондент Владимир Бегунов изеиҭеиҳәеит аспектакль аус шадиулоз атәы.

— Анастас Валери-иԥа, избан "Черная курица"?

— Избанзар ари аспектакль Архангельсктәи адраматә театр аҿгьы иқәсыргылахьеит. Федор Абрамов ихьӡ зху жәларбжьаратәи атеатртә ҟазара афестиваль аҿы сара исанашьан абри аспектакль азы иреиӷьу арежессуразы ҳәа аԥхьахә. Шьчукин ихьӡ зху атеатр аинститут аректор Евгени Книазеви апрофессор Елена Дунаевеи Аԥсны иааны ианыҟаз Аурыс драматә театр адиректор Иракли Хынҭәба иабжьаргеит аспектакль ақәыргыларазы Аԥсныҟа сааиԥхьарц.

— Аԥснытәи аспектакли Архангельсктәи аспектакли аиԥшызаара рымоума?

— Еиҳагьы еиӷьхеит. Даара аинтерес сымоуп аҭыԥантәи ахәаԥшҩы ишидикыло.

36-тәи асезон алагеит апиеса Рождество в доме Купьелло ала - Sputnik Аҧсны
36-тәи асезон алагеит апиеса "Рождество в доме Купьелло" ала

— Актерцәа зегь аҭыԥантәиқәа роума? Наҟынтәи ӡәыр даажәгама?

— Актерцәа зегь аратәиқәоуп. Афырхаҵа хада ироль ҩыџьа – аԥҳәыси ахәыҷи инарыгӡоит. Аиҳаракгьы аҷкәынцәа рроль назыгӡо аҳәса роуп, аха араҟа аексперемент мҩаԥаагеит.

— Русдрама атруппеи шәареи аус шԥеицыжәуеи?

— Артистцәа зехьынџьара рҟазшьақәа уадаҩуп. Еиԥшуп.

— Аԥсны уаанӡа шәаахьазу?

— 2009 шықәса рзы арахь иаагахьан аспектакль "Братец кролик и братец лис".

— Ишәгәалашәозеи?

— Усҟан еицыз рҟынтә хҩык апаспортқәа ҳамамызт. Акультура аминистр ихаҭыԥуаҩ аҳәаахьшьцәа дрыҳәон аҳәаа ҳахрыжьырц. Уи адагьы исгәалашәоит дәқьанк аҿы уахынлатәи аҷаԥшьаҩ Калашников иавтомат кны дышгылаз. Оумашәа избеит, аха нас исарҳәеит уи аҩыза ара иџьоушьаша акакәым ҳәа.

Ажәабжьқәа зегьы
0