03:14 19 Жьҭаара 2017
Аҟәа+ 10°C
Ишиашоу ицо аефир
Приемная комиссия. Архивное фото.

Урыстәыла иреиҳау аҵариурҭақәа рҭаларазы ашәҟәқәа рыдкылара иалагеит

© Sputnik. Андрей Иглов
Аԥсны
Икьаҿу ахьарԥш аиура
1110

Аԥсны иҟоу "Россотрудничество" Урыстәылатәи иреиҳау аҵариурҭақәа рҭаларазы ашәҟәқәа рыдкылара иалагеит.

АҞӘА, ажь 27 — Sputnik, Саид Барганџьиа. Сынтәа урыстәылатәи аҵараиурҭақәа рҭаларазы Аԥснытәи аҿар ирзылхуп 220 ҭыԥ, ҳәа Sputnik иазааицҳаит Аԥсны иҟоу "Россотрудничество" ахаҭарнакра аиҳабы, Аԥсны иҟоу Урыстәылатәи Афедерациа Ацҳаражәҳәарҭа абжьагаҩ Сергеи Федченко.

Федченко иажәақәа рыла, 2015-2016 аҵарышықәс азы абитуриентцәа ралхра ҩ-етапк рыла ишьақәгылоит. Аҭаларазы акандидатцәа ранкетаҿы иадырбароуп аҵараиурҭа ахьӡы, иалырхыз азанааҭи.

Актәи аетап ахь иаҵанакуеит Аԥсны аҩнуҵҟа акандидатцәа ралхра, уи мҩаԥыргалоит аусбарҭабжьаратә комиссиа алахәцәа. Раԥхьатәи аетап аҿы абитуриентцәа ралхра аус "Россотрудничество" ахахьы иагоит.

"Раԥхьатәи аетап хәажәкырамза 1-нӡа имҩаԥыслоит, уи алҵшәақәа рыла ишьақәыргылахоит Урыстәылатәи аҵараиурҭақәа ирҭаларц абжьагара зырҭаз абитуриентцәа рсиа. Уи асиа шьҭхоит Урыстәыла Аҵара аминистрахь, аҩбати аетап иахысырц азы.

Аҩбатәи аетап аҟны акандидатцәа ралхра мҩаԥыслоит рашәарамза 15-нӡа.

Аԥснытәи абитуриентцәа рҟынтә анкетақәа рыдкылара мҩаԥыслоит жәабранмза 5-нӡа.

Ихадоу атемақәа