Аспектакль "Нет суда на дураков" мҩаԥысит Аурыс драматә театр аҟны

© Sputnik Томас ТхайцукАспектакль "Нет суда на дураков" мҩаԥысит Аурыс драматә театр аҟны
Аспектакль Нет суда на дураков мҩаԥысит Аурыс драматә театр аҟны - Sputnik Аҧсны
Анапаҵаҩра
Леонид Филатов ипиеса "Про Федота-стрельца, удалого молодца" иалху аспектакль қәҿиарала имҩаԥысит Аурыс драматә театр аҟны.

АҞӘА, жәб 18 – Sputnik, Роберт Џьопуа. Леонид Филатов ипиеса "Про Федота-стрельца, удалого молодца" иалху аспектакль "Нет суда на дураков" қәҿиарала имҩаԥысит Аурыс драматә театр аҟны аҩаша жәабран 17 рзы.

Аспектакль ашьҭахь ахәаԥшцәа ргәаанагарақәа Sputnik акорреспондент иарҳәеит.

"Ари аспектакль сара избахьан Нижни Новгород ақалақьаҿ, уи акыр исгәаԥхеит. Аҟәатәи атеатр аҟны избаз сыззыԥшыз аҵкыс акыр еиҳаны агәалаҟазаара бзиа снаҭеит", — лҳәеит ахәаԥшҩы Лиубов Банеева.

Аҟәа инхо Алекандр Бортников игаанагарала, ари алакә аинтерес рзаҵоуп адуқәа реиԥш, ахәыҷқәагьы. Уи иазгәеиҭеит Филатов 1985 шықәсазы ииҩыз ари аҩымҭа аамҭақәа зегьы ишрықәшәо, еснагь ишҿыцзаауа.

"Аспектакль аҟны ҳара иаабоит ауаа реизыҟазаашьа: анхацәеи ачынуааи. Алакә аҿы зегь бзианы ихыркәшахоит, аха аԥсҭазаараҿы ус еснагь иҟалом", — иҳәеит Бортников.

Атеатр арежиссиор Џьамбул Жорданиа, иҳәеит апиеса иара ихатә гьамала аԥсахрақәа шалеигалаз. Аспектакль иалахәуп быжьҩык актиорцәа, хархәара рызууп асахьаркыратәии амузыкатәии ҿыцрақәа.

"Апиеса ҩуп бызшәа мариала. Угәы иаанагоит ахҭыс мариоуп ҳәа уаҟа иаарԥшу, аха уи амариараҿы иаабоит иахьа-уаха ҳгәы иҵхо азҵаарақәа. Иаабоит еснагьтәи аԥсҭазааратә уадаҩрақәа", — иҳәеит арежиссиор.

Баба Иага лроль назыгӡаз актриса Анна Гиурегиан лгәы иаанагоит илхәмаруаз ароль акыр аинтерес аҵан ҳәа. Уи агәра ганы дыҟоуп Иага ахәаԥшцәа дыргәаԥхоит ҳәа, уи дышҵурамгьы.

"Баба Иага иарбан ҭагылазашьазаалакгьы илылшоит амҩа аԥшаара лара ԥырхага лмоукәа. Сара акыр сеигәырӷьеит ари ароль ансырҭа. Сгәаанагарала, дарбан артистказаалакгьы ари ароль лхәмарыр лҭахуп", — лҳәеит Гиурегиан.

Аспектакль "Нет суда на дураков" апремиера 2008 шықәсазы имҩаԥысит. Уи алахәын ақалақь Новочеркасск имҩаԥысуаз афестиваль "Комплимент". Арежиссер Џьамбул Жорданиа ианашьан адиплом иреиӷьу арежиссуртә усуразы. Иреиӷьу аԥҳәыс лроль анагӡаразы далкаан Анна Гериугиан.

© Sputnik Томас ТхайцукЗрители спектакля "Нет суда на дураков"
Зрители спектакля Нет суда на дураков - Sputnik Аҧсны
Зрители спектакля "Нет суда на дураков"
Ажәабжьқәа зегьы
0