22:20 20 Нанҳәа 2017
Аҟәа+ 27°C
Ишиашоу ицо аефир
Рауль Лолуа: ашәарҭадаразы акомплекстә программа ҳҭахуп

Рауль Лолуа: ашәарҭадаразы акомплекстә программа ҳҭахуп

© Sputnik. Томас Тхайцук
Аԥсны
Икьаҿу ахьарԥш аиура
3810

Аҩнуҵҟатәи аусқәа рминистрраҟны ашәарҭадара аԥҵаразы акомплекстә система аиҿкааразы аусқәа ирылацәажәеит уи иазку специалистцәа.

АҞӘА, жәб 25 –Sputnik, Роберт Џьопуа. Аҩнуҵҟатәи аусқәа рҟны ашәарҭадаразы акомплекстә программа аиҿкаара хымԥадатәиуп, иҳәеит аҩнуҵҟатәи аусқәа рминистр Рауль Лолуа.

"Ари апроект даара акраҵанакуеит. Уи амҩаҿы ашәарҭадара аԥҵара иацхраауеит. Ҳара аилкаара ҳамоуп ҳус ишақәнагоу аиҿкааразы мҩақәас иалхтәу рзы. Апроект аус адулараан агхақәа ҳмыхьыр ауп", — иҳәеит аминистр.

Рауль Лолуа дырзааҭгылеит ари апроект иазԥхьагәанаҭо хырхарҭақәак: амҩатә машәырқәа рырмаҷразы ашәарҭадара аиҿкаара, урҭ рахьтә иааԥмырҟьаӡакәа амҩаҿы иҟоу аҭагылазаашьа ахылаԥшра, амҩатә ԥҟарақәа реилагарақәа иаарласны раарԥшразы автофиксациа алагалара уҳәа убас иҵегьы.

Аспециалисттә компаниақәа рхаҭарнакцәа ажәалагалақәа ҟарҵеит иқәыргылоу азҵаарақәа рыӡбаразы. Убас, урҭ адгалара ҟарҵеит амҩадуқәа рҟны акамерақәа рықәыргылара афото-видеофиксациазы, амҩатә ԥҟарақәа рынагӡаразы апропогандатә усқәа рымҩаԥгара, иара убас, амҩатә ԥҟарақәа рзы азинтә шьаҭақәа аԥсахрақәа ралагалара.

Аиԥылара хыркәшо, Рауль Лолуа ажәалагала ҟаиҵеит аусуратә гәыԥ аиҿкааразы аҩнуҵҟатәи аусқәа рминистрреи егьырҭ аҳәынҭқарратә усбарҭақәеи злахәу. Урҭ  акомплекстә план аиқәыршәаразы ажәалагалақәа ҟарҵоит.

Аиԥылара далахәын Аԥсны ахада ихаҭыԥуаҩ Витали Габниа, Жәлар Реизара адепутатцәа.

Аҩнуҵҟатәи аусқәа рминистрра иамоу адыррақәа рыла, 2014 шықәсазы амҩатә машәырқәа ҟалеит 120, урҭ рҟны 61-ӡәы ҭахеит, 151-ҩык ахәрақәа роуит. Аҵыхәтәантәи жәа-шықәса рыҩнуҵҟа амҩатә машәырқәа 1742 ҟалеит, урҭ рҟны 713-ҩык ауааԥсыра ҭахеит, 2677-ҩык ахәрақәа роуит.

Ихадоу атемақәа