23:29 20 Ажьырныҳәа 2018
Ишиашоу ицо аефир
Тактильная плитка

Аҳҭнықалақь амҩаду ахаҳә ақәҵара жәа-миллионки бжаки мааҭ ақәырӡхоит

© Sputnik Томас Тхайцук
Аԥсны
Икьаҿу ахьарԥш аиура
29 0 0

Аҳҭнықалақь амҩақәа рҿы ахаҳә ақәҵара 10 миллионки 460 нызқьи мааҭ азылхуп, урҭ аԥарақәа кредитла Аԥсны амилаҭтә банк аҿы игоуп, ҳәа адырра ҟалҵеит аҳҭнықалақь ахадара Анхамҩатә усбарҭа аиҳабы.

АҞӘА, жәб 27 — Sputnik, Саид Барганџьиа. Аиааира амҩаду аҿы ахаҳә ақәҵаразы 10 миллионки 460 нызқьи мааҭ ақәырӡхоит, урҭ аԥарақәа аҳҭнықалақь қьырала Амилаҭтә банк аҿы иагеит, лҳәеит Аҟәа ақалақь ахадара Анхамҩатә усбарҭа аиҳабы Елена Атиопина.

Атиопина лажәақәа рыла, ахаҳә зегьы Ҭырқәтәылантәи иаагоуп, ахаҭабзиара аршаҳаҭгақәа ацуп.

"Иахәҭаз ашәҟәқәа зегь ҳдырбеит. Аахәаразы аилацәажәарақәа жьҭаарамзазы имҩаԥаагон, усҟан адоллар ахә шьҭымҵыцызт. Убри аҟнытә метр ԥшьыркцак азы 1480 мааҭ ҳәа аҭырқәа фирма рҟны иааҳхәеит ахаҳә", — азгәалҭеит лара.

Аиааира амҩаду иқәху ахаҳә Аҟәа егьырҭ амҩақәа рҟны ахархәара азухоит.

"Раԥхьа ҳаналагоз ахаҳә ықәызҵоз ҭырқәтәылатәи аусуцәа ракәын. Аха урҭ русушьа ҳгәамԥхеит, агхақәа рацәаны ироуан, аҟнытә русура аанкылан. иахьа ахаҳә ықәызҵо аԥсуаа рыбригадоуп", — лҳәеит Атиопина.

 Аҟәа ихадоу амҩаду аҟны ахаҳәа ақәҵаразы аусурақәа ирылагеит 2014 шықәса анҵәамҭазы. Урҭ рхыркәшара арбоуп ҳазҭоу ашықәс лаҵарамзазы. Ахаҳә шьҭаҵазаауеит Аиааира амҩа ду ахы инаркны Воронов имҩа иахьеиҩнашо аҟынӡа.

Ихадоу атемақәа