05:23 25 Цәыббра 2017
Аҟәа+ 20°C
Ишиашоу ицо аефир
Оҭырба: ақыҭанхамҩатә проектқәа акредитқәа раҳҭалоит

Рафаель Оҭырба: ақыҭанхамҩатә проектқәа акредитқәа рзылаҳхлоит

© Sputnik. Виталий Аньков
Аԥсны
Икьаҿу ахьарԥш аиура
20 0 0

Ақыҭанхамҩатә проектқәа финанстә цхыраарала аҳәынҭқарра адгылара рынаҭар, уи анхамҩа ашьҭыхра иацхраауеит, ҳәа игәы иаанагоит ақыҭанхамҩа аминистр Рафаель Оҭырба.

АҞӘА, хәжәк 4 – Sputnik, Бадраҟ Аҩӡба. Ақыҭанхамҩатә проектқәа рынагӡаразы аминистрра афинанстә цхыраара ҟанаҵоит, иҳәеит Аԥсны ақыҭанхамҩа аминистр Рафик Оҭырба.

"Ҳара ишьақәҳаргылеит ақыҭанхамҩа арҿиаразы апроект маҷқәа. Анхаҩы десҭынк, ма ҩ-десҭынк адгьыл лаиҵар иҭахызар, аԥара иаҳҭоит, аха уи иргьежьыр ауп. Ацхыраара наӡоит 200 нызқь рҟынӡа", — иҳәеит аминистр.

Оҭырба иазгәеиҭеит акредиттә ԥарақәа хы-шықәса рыла ишыргьежьтәу.

"Иаҳҳәап анхаҩы адгьыл дықәаарыхуазар, аха амшцәгьақәа ирыхҟьаны аԥхасҭа иоузар, усҟан иҳалшоит аԥара аргьежьраз иарбоу аҿҳәара ҳнахар", — азгәеиҭеит Оҭырба.

Аминистр дазааҭгылеит ақыҭанхамҩатә проектқәа хырхарҭала еиуеиԥшымзар шауа: арахәааӡара, адгьылқәаарыхра, аԥсыӡ ааӡара уҳәа убас егьырҭгьы.

Ихадоу атемақәа