11:20 15 Ԥхынҷкәын 2017
Ишиашоу ицо аефир
Ҳаџьымба: ҳтәылауаҩра мчыла уаҩы идаагалом

Ҳаџьымба: ҳтәылауаҩра мчыла уаҩы идаагалом

© Sputnik. Илона Хварцкия
Аԥсны
Икьаҿу ахьарԥш аиура
610

Аԥсны атәылауаҩшәҟәқәа рыҭара азакәантә шьаҭа аманы иҟаларц азы азакәан апроект азырхиара аус мҩаԥысуеит, иҳәеит Рауль Ҳаџьымба Гал араион ауааԥсыра рԥылараан.

ГАЛ, хәжәк 12 – Sputnik, Саид Барганџьиа. Аҳәынҭқарра ахадара ргәы иҭаӡам Аԥсны атәылауаҩра шьоукы рыдгалара, иҳәеит Рауль Ҳаџьымба Гал араион ауааԥсыра рԥылараан, аԥшьашаҽны.

Ҳаџьымба иажәақәа рыла, Аԥсны атәылауаҩшәҟәқәа рыҭара азакәантә шьаҭа аманы иҟаларц азы азакәанапроект азырхиара аус мҩаԥысуеит.

"Ҳара ҳадгылам ҳтәылауаҩшәҟәқәа мчыла шьоукы рыдгалара. Гал араион ауааԥсыра аҭагылазаашьа рымоуп рхала атәылауаҩра алхразы", — инаҵшьны иазгәеиҭеит апрезидент.

2013 шықәса цәыббрамзазы Гал, Ҭҟәарчал, Очамчыра араионқәа ирықәынхо ауаажәлар Аԥсны атәылауаҩра рыҭара Апарламентә Комиссиа алкаа ҟанаҵеит урҭ реиҳарак шзакәанмыз.

Акомиссиа еилнакааит хыԥхьаӡара рацәала атәылауаҩшәҟәқәа зоуз рҟнытә қырҭтәылатәи атәылауаҩшәҟәқәа змоугьы шырацәоу. Аԥсны атәылауаҩшәҟәқәа Гал, Ҭҟәарчал, Очамчыра араионқәа рҿы изакәанымкәа 24 811 цыра рыҭан.

Ихадоу атемақәа