23:43 19 Нанҳәа 2017
Аҟәа+ 27°C
Ишиашоу ицо аефир
Фестиваль культуры Фазиля Искандера откроется в Сухуме 9 апреля

Аҟәа имҩаԥысуеит Фазиль Искандер ирҿиара иазку акультуратә фестиваль

© Фото: Пресс-служба Министерства культуры и охраны историко-культурного наследия РА
Аԥсны
Икьаҿу ахьарԥш аиура
1110

Афестиваль аҳәаақәа ирҭагӡаны ицәыргахоит Фазиль Искандер адунеи аҟны имаҷымкәа амилаҭтә бызшәақәа рахь еиҭагоу ишәҟәқәа реизга. Аекспозициаҟны ицәыргазаауеит еиуеиԥшым атәылақәа рҟны иҭыжьыз ашәҟәқәа, иара убас еицырдыруа ашведтә сахьаҭыхҩы Мадлен Рук ароман "Сандро Чегемтәи" азы иҟалҵаз асахьақәа.

АҞӘА,  мшԥ 8 – Sputnik, Саид Барганџьиа. Фазиль Искандер ирҿиара иазку акультуратә фестиваль "Стоянка человека" аартхоит Самсон Ҷанба ихьӡ зху Аԥсуа ҳәынҭқарратә драматә театр аҟны, мшаԥы 9 рзы. Абри атәы акультура аминистр инапынҵақәа назыгӡо Ельвира Арсалиаԥҳа Sputnik акорреспондент иалҳәеит.

"Изҭаху зегьы афестиваль рхы аладырхәыр рылшоит. Анеира хәыда-ԥсадоуп", – лҳәеит Ельвира Арсалиа.

Арсалиа лажәақәа рыла афестиваль "Стоянка человека" атема – Фазиль Искандер иҩымҭақәа аекранизациа рзуроуп. Убри абзоурала афестиваль аҳәаақәа ирҭагӡаны Аԥсныҟа дааит адунеиаҿ иреиӷьу акинорежиссиорцәа 100-ҩык ирхыԥхьаӡалоу урыстәылатәи акинорижиссиор, асценарист Александр Сокуров.

"Фазиль ирҿиара – ауаа рзы ҟазароуп, гәацԥыҳәара дууп", – лҳәеит аминистр.

Арсалиа афестиваль есышықәса амҩаԥгара ргәы ишҭоу атәы азгәалҭеит.

"Сынтәа афестиваль аплан мышкы иҭагӡоуп. Афестиваль аҟны афильм "Расстанемся, пока хорошие" дырбазаауеит, Искандер иҩҩыз ишәҟәқәа зегьы ӡыргазаауеит", – ацылҵеит Арсалиа.

Ари ашықәс азы Александр Сокуров истудентцәа иманы Фазиль Искандер иповесть "Софичка" аекранизациа азыруеит. Афильм ҭаҭыхрақәа мҩаԥысуеит Аԥсны, Акультуреи аҭоурыхтә-культуратә ҭынха ахьчареи рзы аминистрра рыцхыраарала. Афильм аԥҵара аидеиа арежиссиор Олесиа Буриатчинко илтәуп (лара режиссиорс даман афильм "Фазиль и Антонина" ацикл "Больше чем любовь" аҟынтә).

Акинорежиссер Александр Сакуров иҟазаратә гәыԥ мшаԥы 7 инаркны 8-нӡа Фазиль Искандер иҩымҭа "Софичка" ала зметр ҭбаау афильм алахәхаразы акастинг мҩаԥангоит.

Ихадоу атемақәа