05:25 25 Цәыббра 2017
Аҟәа+ 20°C
Ишиашоу ицо аефир
заседание парламента РА

Апарламент Аԥсны ҽаантәи абиуџьет аднакылеит актәи аԥхьарала

© Sputnik. Бадрак Авидзба
Аԥсны
Икьаҿу ахьарԥш аиура
5 0 0

2016 шықәсазтәи Аԥсны абиуџьет азырхоуп асоциал-економикатә проблемақәа рыӡбразы, ҳәа азгәалҭеит афинансқәа рминистр Амра Қәаранӡиаԥҳа.

АҞӘА, ԥхынҷкәын 21 — Sputnik, Бадраҟ Аҩӡба. Апарламент Аԥсны ҽаантәи абиуџьет аднакылеит актәи аԥхьарала, ҳәа ҳкорреспондент иаҳзааицҳаит аилатәаратә зал аҟынтә.

Адепутат Ахра Бжьаниа иазгәеиҭеит 2016 шықәсазтәи абиуџьет Аԥсны аҿиара абиуџьет акәны иҟоуп ҳәа.

"Ари абиуџьет иаҷыдараны иҟоу апрограмматә знеишьоуп", — иҳәеит иара.

Афинанстә документ цәырылгеит афинансқәа рминистр Амра Қәаранӡиаԥҳа. Лара иазгәалҭеит 2016 шықәсазтәи Аԥсны абиуџьет азырхоуп асоциал-економикатә проблемақәа рыӡбразы ҳәа.

"Аинвестициатә программақәеи афинанстә цхыраареи хәҭаҷ-хәҭаҷла иарбоуп", — лҳәеит Қәаранӡиаԥҳа.

Депутатцәақәак абжьагарақәа ҟарҵеит ареспублика абиуџьет Азакәан азы.

Адепутат Алмас Џьапуа иҳәеит абиуџьет аҟны ишазгәаҭам арепатриациаз акомитет ацхыраара.

Адепутат Саид Ҳаразиа иазгәеиҭеит ақыҭанхамҩа еиҳа ишазхьаԥштәу.

2016 шықәсазы абиуџьет иартәараны иҟоуп 13 487 216 мааҭ.

Абиуџьет адкылараз рыбжьы рҭиит ҩеижәижәҩык адепутатцәа.

Ихадоу атемақәа