00:44 24 Ажьырныҳәа 2018
Ишиашоу ицо аефир
Начальник Гидрометеослужбы Абхазии Левард Барцыц

Леуард Барцыц: ааԥын аӡиасқәа хыҵыр рылшоит

© Sputnik Томас Тхайцук
Аԥсны
Икьаҿу ахьарԥш аиура
23 0 0

Асы ирласны аӡҭра ааԥынра аӡхыҵрахь инанагар алшоит, ҳәа ҳзеиҭеиҳәеит Аԥсны аҳауагәаҭаратә маҵзура аиҳабы Леуард Барцыц.

АҞӘА, хәажәкыра 15 – Sputnik, Наала Аҩӡыԥҳа. Ааԥынразы аӡиасқәа хыҵыр рылшоит, хәажәкырамзазы асы рацәаны иахьлеиз азы. Абри атәы ҳзааицҳаит Аԥсны агидрометоемаҵзура аиҳабы Леуард Барцыц. 

"Уажәазы акырзҵазкуа шәарҭара ыҟам. Ҳара ҳгәаҭаҩцәа изларҳәо ала аӡиасқәа рыҩаӡара иахьаҭаху иҟоуп. Уи иаҵанакуа ашьхарахьы аӡы рацәаны иҵәахыуп ауп. Иара ус шакәугьы аӡиасқәа рыҩаӡара халар алшоит", — иҳәеит аҳауагәаҭаҩ.

Ԥшьышықәса рыҩныҵаҟала аӡиасқәа хымҵыцызт, иҳәеит Барцыц. Еиҳарак уи зыбзоураз ашьхарахь асы рацәаны иахьымлеиуаз азоуп.

"Ари аҩыза Аԥсны аӡиаскәа џьоукы ирызҷыдоуп.  Аӡиас хада Кәыдры ас аҽыҟанаҵоит, Гәымсҭагьы хәыҷык еиҳа имаҷны. Кәыдры шықәсқәак ибзианы иааиуеит, аҽырҭынчны. Аха сынтәа асы рацәаны иӡыҭуеит, аӡиас хыҵыр алшоит, ааигәа иҟоу адгьыл ԥгоит", — азгәеиҭеи аҳауаҭҵааҩ.

Ари аҩыза агәаанагара цәырҵит, избан акәзар ашьхарахь асы рацәаны илеит, арҭ амшқәа рызгьы илеираны иҟоуп. Ҳара ашәарҭадаразы ииашаны ҳхы мҩаԥаагароуп.

"Ҳара аӡиасқәа рӡышьҭрақәа ҳҟьашьуеит, аиҩкаарақәа ҳаргылоит. Аекологиатә ԥҟарақәа ҳрықәныҟәалароуп, уи акзаҵәык ауп иаҳзыҟаҵо. Иара убасгьы Кәыдры аӡиас аҿы аинерттә матәашьарқәа ахьырго азы аҭагылазаашьа хәыҷык иацхраауеит", — иазгәеиҭеит Леуард Барцыц.

Аҳауаҭҵааҩ иаҳгәалаиршәит ашьхарахь асы рацәаны ишлеиз. Асоурақәа рышьҭахь ақәақәа рацәаны илеит, уи хәыҷык иахԥхарахаз иабзоуроуп. Иааидкыланы иаҳҳәозар Аԥсны агеографиа азы ари аҩыза аҭагылазаашьа ҟалалоит.

Ашықәс ҿыц ауха Аԥсны аԥшаҳәаҿы асы леит. Ажьырныҳәа 3 рзы еиҭа асы рацәаны илеит. Аҳауагәаҭаҩцәа излаарыцҳауа ала ԥхынҷкәын 31 инаркны ажьырныҳәа 3 аҿынӡа аҳауа ахьшәашәара —4 рҿынӡа илаҟәит. Амҩақәа рҿы иҵааит.


Ихадоу атемақәа