14:45 23 Жьҭаара 2017
Аҟәа+ 18°C
Ишиашоу ицо аефир
Ребенок Ашана - Георгий Гайдарь

Аа-мза зхыҵуа Григори ацхыраара иҭахыуп

© Sputnik. Роберт Джопуа
Аԥсны
Икьаҿу ахьарԥш аиура
Ҳаидгыланы аԥсҭазаара еиқәҳархап (34)
11 0 0

Акультуратә-гәыҳалалратә фонд "Ашана" аԥара аидкылара иалагеит Григори Гаидар изын, уи иарыӷьарахьтәи ила акатаракта амоуп, аоперациа азутәуп.

АҞӘА, ажьырныҳәа 21 — Sputnik, Роберт Џьапуа. Ирласны имҩаԥгатәу аоперациа изыҟаҵатәуп аа-мза зхыҵуа Григори Гаидар, уи иарыӷьарахьтәи ила акатаракта аманы диит, абри атәы ҳзеиҭалҳәеит иара иан Анастасиа Пилиева.

"Ахәыҷы ҩы-мчыбжьы анихыҵуаз ҳара игәаҳҭеит иара џьарак дшыԥшуаз, аха акгьы ақәҿиҭуамызт. Мызкы анихыҵ, ҳара аблақәа зхәышәтәуа аҳақьым иахь даҳгеит. Усҟан, акы шәацәамшәан, ҳәа ҳалҳәеит. Аха ҳара игәаҳҭо ҳалагеит, алашара анмаҷыз ибла аҿы иҟаз ашәыта аҽшарҭбаауаз. Ҳцеит Шәача, ахәышәтәырҭа ҳаԥшааит, аха аоперациа аҟаҵара аӡәгьы изыгәаӷьуамызт ахәыҷы дхәыҷцәан азын. Нас еиҭа Аҟәа ҳааит, ҳахьааиз ари катарактоуп ҳәа ҳарҳәеит, аоперациагьы ирласны иҟаҵазар еиҳагьы ишеиӷьхо атәы рҳәеит", — лҳәеит Пилиева.

Адиагноз шьақәлырӷәӷәеит Аҟәатәи ақалақьтә аофтальмологтә хәышәтәырҭа аҳақьым хада Татиана Апԥҳа. Аха лара иазгәлҭеит, ари аҩыза аоперациа Аԥсны ишырзыҟамҵо атәы.

"Иара ибзианы дгәаҭатәуп, аха ҳара иҳамам иахәҭоу аппаратура. Иаҭахыуп аоперациа, аха ахәыҷы дыԥшқацәоуп, аа-мзы заҵәык роуп ихыҵуа, иманшәалоу аҭагылазаашьақәа аԥҵатәуп арҩышьыга иҭаразы, иаҭахыуп афакоимульсификатор, уи ҳара иҳамаӡам, иаҭахыуп ибзиоу адиагностика, уигьы макьана иаҳзыҟаҵом. Аҳақьымцәа бзиақәа ҳамоуп ари аоперациа ҟазҵаша, аха иҳамам излаҟарҵо аппаратура", — ҳәа азгәалҭеит Апԥҳа.

Григори Гаидар аҭаацәараҿы аԥшьбатәи хәыҷуп. Аҭаацәа рҿы аус зуа иаб заҵәык иоуп. Аԥсны анҭыҵ ихәышәтәра алшара рымаӡам. Убри азын акультуратә-гәыҳалалратә фонд "Ашана" ахь аҳәара ҟарҵеит. Аԥара аидкылара иалагахьеит Григори Гаидар изыҟарҵаран иҟоу аоперациа азын.

 

Атемақәа:
Ҳаидгыланы аԥсҭазаара еиқәҳархап (34)

Ихадоу атемақәа