АҞӘА, жәабран 29 – Sputnik, Саид Барганџьиа. Иахьатәи аамҭазы МВД аорганқәеи, аҳәынҭқарратә шәарҭадаратә маҵзуреи, ашьаусҭҵааратә органқәеи русура ашәара узцәырнагартә иҟоуп, иҳәеит Рауль Ҳаџьымба.
Ҳаџьымба иазгәеиҭеит апрокуратуреи аҩныҵҟатәи аусқәа рорганқәеи реимадара ԥсыҽуп ҳәа.
Иара иажәақәа рыла дара русеицуразы аҭагылазаашьақәа акыр иҭбааны иҟоуп.
"Ҳауаажәлар ҳара ҳҟынтәи иззыԥшу аҽакуп. Ҳара иахьазы лҵшәа ҳаманы ҳаҟоуп ҳәа ҳазҳәом", — иҳәеит атәыла Ахада.
Иара убас Ҳаџьымба иазгәеиҭеит иарбан усзаалак аҵыхәтәанынӡа ишынагӡатәу.
