Амилаҭ ҷыдарақәа змоу "амода"

© Sputnik / Томас ТхайцукАмилаҭтә маҭәа зшәу амодельцәа.
Амилаҭтә маҭәа зшәу амодельцәа. - Sputnik Аҧсны
Анапаҵаҩра
Париж прет-а-порте амода амчыбжьқәа мҩаԥысуанаҵы, атәылақәа жәпак рҟны ааԥынтәи аныҳәа иаԥыланоҵыҵы Sputnik иаӡбеит амода атема иазхьаԥшырц. Адизаинерцәа ҳаамҭазтәи амодаҟны атрадициатә елементқәа рхы ишадырхәо, урҭ ашәҵатәқәа ахархәара ахьынӡарымоу аилкаара иашьҭан Sputnik.

Дарбанызаалак амоделиер амилаҭтә тема иӡбоит иара итәала. Диана Џьынџьалԥҳа амилаҭтә традициатә цәашәҵатәы лӡахуеит. Лара лажәақәа рыла есҽны адҵаалаҩцәа лымоуп. Амилаҭ маҭәа аӡахра жәамш рҟынӡа лаамҭа агоит, ахә — ауадаҩра зеиԥшроу еиԥш 15-20 нызқь мааҭ артәоит. Хәышықәса раԥхьа уиаҟара ауаа лызнеиуамызт. Уажәы, аҭоурыхи атрадициақәеи ирызхьаԥшуа иалагеит аҿар. Дара аиҳарак амилаҭ маҭәа ҿарҵоит ачарақәа раани, Абираҟ амш аҽни.

2014 шықәса рзы амилаҭ маҭәа аколлекциа аԥылҵеит иахьа Акультура аминистрс иҟоу Ельвира Арсалиаԥҳа. Лара усҟан Москва имҩаԥысуаз жәларбжьаратәи аконкурс “Этно-Эрато” аноминациа “Лучший костюм народов Кавказа” аҟны аҩбатәи аҭыԥ аанылкылеит. Ельвира Арсалиаԥҳа лхы иалырхәеит ажәытәтәи амаҭәа асашьеи анатуралтә беи. Амоделиер Мадина Ҷанԥҳа лхы иалырхәоит европатәи амодельқәа рҟны амилаҭ маҭәа аелементқәа – ақәҵара, аибаркыгақәа, аорнаментқәа.

"Сара иаԥысҵо ашәҵатәы аофистә еиҳа иазааигәоуп, есыҽнытәуп. Ахархәара зысҭо аелементқәа рымацара роуп. Схы иасырхәоит абырфын, атафта, ичаԥоу аибаркыгақәа", — лҳәоит Мадина.

Амоделиерцәа зегьы еицҿакны ирҳәоит амилаҭ шәҵатәы аинтерес аԥхь изкыз аҳәса роуп ҳәа. Иахьа Аԥсны "етно" астиль иазхьаԥшуа рацәаҩуп.

"Аԥсны ауаа иԥшӡаны аҽеилаҳәара бзиа ирбоит, аха ргәы рҽанны иазнеиуеит. Зегьы ирылшом аҳазырҭрақәа аҭаны амаҭәа ашәҵара. Инагӡаны ирзеилкаауам ҳаамҭа уақәшәо, аха ушьаҭақәагьы ухамшҭуа уҟазар шалшо", — лҳәоит амоделиер Мадонна Аргәын.

Мадонна лажәақәа рыла 34 уапа злахәыз лколлекциа аҟынтәи 3 уапак роуп иаархәаз. Аекспериментқәа рымҩаԥгара ацылҵарц уаҳа лгәы иҭам.

Аинтерес зҵоу амилаҭтә тема аӡбоит абренд “АБГА Clothing”.

© Sputnik / Томас ТхайцукДиана Џьынџьалԥҳа лусумҭа. Аԥсуа хаҵа имилаҭтә костиум.
1/4
Диана Џьынџьалԥҳа лусумҭа. Аԥсуа хаҵа имилаҭтә костиум.
© Sputnik / Томас ТхайцукАмоделиер Мадина Ҷанԥҳаи лусумҭеи.
2/4
Амоделиер Мадина Ҷанԥҳаи лусумҭеи.
© Sputnik Мадонна АргунМадонна Аргунԥҳа луапақәа.
3/4
Мадонна Аргунԥҳа луапақәа.
© Sputnik Русудан КобяковаНина Наидионова Русудан Кобиакова лкостиум лшәуп.
4/4
Нина Наидионова Русудан Кобиакова лкостиум лшәуп.
1/4
Диана Џьынџьалԥҳа лусумҭа. Аԥсуа хаҵа имилаҭтә костиум.
2/4
Амоделиер Мадина Ҷанԥҳаи лусумҭеи.
3/4
Мадонна Аргунԥҳа луапақәа.
4/4
Нина Наидионова Русудан Кобиакова лкостиум лшәуп.

Русудан Кобиакова (абренд “Rusiko”) дазхәыцуеит амилаҭтә стиль аколлекциа аԥҵара.

"Сара ари атемаз схатә гәаанагара сымоуп. Сара Виачеслав Заицева иҟны аҵара сҵон. Иара иҳәон ари астиль зегь раасҭа иуадаҩу темоуп ҳәа. Амилаҭ костиум аелементқәа ҳаамҭазтәи ашәҵатәы ахь риагара мацара азхом. Иазхәыцтәуп урҭ реинраалашьа" — лҳәоит Русудан.

Русудан ари атема дазхьаԥшит 2012 шықәса рзы, жәларбжьаратәи аԥшӡара аконкурс аҟны Аԥсны ахьӡала иқәгылоз Нина Наидионова лымаҭәа анылӡахуаз.

Аԥсуа моделиерцәа еиҳа-еиҳа амилаҭтә тема иазхьаԥшуеит. Ареспублика ауааԥсырагьы ирымоуп алшара ирҭаху алхраҟны.

Ажәабжьқәа зегьы
0