Гагратәи астадион ачемпионат алагамҭаз ихиазаауеит

© Sputnik Роберт ДжопуаАԥсны ашьапылампыл асразы Афедерациа ахада Руслан Аџьынџьал.
Аԥсны ашьапылампыл асразы Афедерациа ахада Руслан Аџьынџьал. - Sputnik Аҧсны
Анапаҵаҩра
Гагратәи астадион иҿы аиҭашьақәыргыларатә усурақәа ирылагеит, ахыбраҿы аҽыкәабарҭақәеи аҽеиҭакырҭақәеи ҟалоит, ConIFA ачемпионат алагамҭазы астадион асасцәа рыдкыларазы ихиазаауеит, абри атәы ҳзааицҳаит Аԥсны ашьапылампыл асразы Афедерациа ахада Руслан Аџьынџьал.

АҞӘА, хәажәкыра 25  — Sputnik, Асҭанда Арӡынԥҳа. Ашьапылампыл асразы аҩбатәи ConIFA ачемпионат ҩ-стадионк рҿы имҩаԥысуеит, аҟәатәи "Динамо" иара убас гагратәи ақалақьтә стадион аҽи, абри атәы Sputnik акорреспондент иизаицҳаит Аԥсны ашьапылампыл асразы Афедерациа ахада Руслан Аџьынџьал.

Ашьапылампылтә чемпионат аепидемиологцәа ахылаԥшлоит

Уаанӡа ConIFA асаит аҿы иҟаз аинформациа ала ахәмаррақәа зегьы Аҟәа имҩаԥгахоит ҳәа иҟаз, иашам. Иахьатәи аамҭазы гагратәи астадион аҿы аиҭашьақәыргыларақәа ирылагахьеит, лаҵара 28 ачемпионат алагамҭазы дара хыркәшахоит, асасцәа рыдкылара иазыхиазаауеит, ҳәа азгәеиҭеит Аџьынџьал.

"Ахыбра гылоуп, инханы иҟоу аусқәа аҵыхәтәанынӡа рынагӡара ауп", — иҳәеит Аџьынџьал.

Ахыбра хәыҷык иԥсаххоит, аҽыкәабарҭақәеи аҽеиҭакырҭақәеи ҟалоит, иара убас аӡбаҩцәа руадақәа, аҩбатәи аихагылаҿы иаартхоит АИХ(СМИ) рзы аконференц-зал.

2015 шықәса абҵара 4 рзы Аԥсны ашьапылампыл Афедерациа аиҿкааратә еилакы иаднакылеит аӡбра FIFA амилаҭтә командақәа ирылахәым, ConIFA еиднакыло акомандақәа рчемпионат Аԥсны, 2016 шықәса лаҵарамза 28 инаркны рашәарамза 6 рҟынӡа амҩаԥгаразы. Ачемпионат иалахәхоит 12 команда.


Ажәабжьқәа зегьы
0