12:14 22 Нанҳәа 2017
Аҟәа+ 27°C
Ишиашоу ицо аефир
Избирательная урна

Афон Ҿыц ақалақь аҿы адепутатцәа ралхрақәа амҩаԥысра иаҿуп

© Sputnik. Саид Барганджия
Аԥсны
Икьаҿу ахьарԥш аиура
19030

Афон Ҿыц алхыҩцәа рхыԥхьаӡара 1200-ҩык рҟынӡа инаӡоит. Ақалақьтә еизара ашҟа ркандидатура ықәдыргылеит хҩык, ахаланапхгараҭаратә усбарҭақәа рахь 13-ҩык.

АФОН ҾЫЦ, мшаԥымза 3 – Sputnik, Рада Ажьиԥҳа. Афон Ҿын ақалақь аҿы адепутатцәа ралхрақәа амҩаԥысра иаҿуп, лҳәеит алхратә комиссиа амаӡаныҟәгаҩ Марианна Аҩӡыԥҳа. 

Уи ишазгәалҭаз ала, асааҭ 14:10 минуҭ рзы алхрақәа рыҽрыладырхәит 25% инареиҳаны алхыҩцәа. 

"Афон Ҿыц алхратә ҭыԥхадақәа хԥа ыҟоуп. Алхратә ҭыԥхада №26 аҿы 599-ҩык алхыҩцәа рҟынтә рыбжьы рҭихьеит 154-ҩык. Иара убас, алхратә ҭыԥхада №27 аҿы 415-ҩык алхыҩцәа рҟынтә рыбжьы рҭихьеит  120. Алхратә ҭыԥхада № 28 аҿы рыбжьы рҭихьеит 300-ҩык алхыҩцәа рҟынтәи 134-ҩык", — ҳәа азгәалҭеит Аҩӡыԥҳа.  

Марианна Аҩӡыԥҳа лажәақәа рыла, алхрақәа мҩаԥысуеит иҭышәынтәаланы, еилагарада. Иазгәаҭатәуп алхрақәа рышҟа инеиуа ауаа рхыԥхьаӡара шырацәоу.

"Сара иахьа смилаҭтә уал насыгӡеит. Уи иахәҭоуп ҳәа иагьысыԥхьаӡоит. Зусура ииашаны иазнеиуа адепутат имаҷымкәа азҵаарақәа рыӡбара илшоит. Сара сыбжьы зысҭаз адепутат сгәыӷрақәа идысҳәалоит, атәанчаҩцәа ҳгәы иҵхо иҳамоу апроблемақәа рыӡбараҿы дҳавагылап ҳәа ҳгәыӷуеит", — лҳәеит алхыҩ Татиана Иванова. 

Аҵыхәтәантәи аҭыԥантәи алхрақәа мҩаԥган жәабран 12, 2011 шықәсазы.

Атема ала

Гәдоуҭа араион аҟны алхрақәа мҩаԥысуеит
Рауль Ҳаџьымба алхрақәа ихы рылаирхәит

Ихадоу атемақәа