22:13 20 Нанҳәа 2017
Аҟәа+ 27°C
Ишиашоу ицо аефир
Ребенок Ашана. Анела Лакашия

Анела Лакашьиаԥҳа лыхәышәтәразы аԥара еизгатәуп

© Sputnik.
Аԥсны
Икьаҿу ахьарԥш аиура
Ҳаидгыланы аԥсҭазаара еиқәҳархап (31)
10 0 0

Анела Лакашьиаԥҳа лыхәышәтәразы аԥареизгара хацыркуп. Абри атәы ҳарҳәеит Афонд "Ашана" аҟны.

АҞӘА, рашәарамза 8 – Sputnik, Саид Барганџьиа. Анела Лакашьиаԥҳа аҵыхәтәантәи аоперациа лзуразы еизгатәуп ЗОО ООО мааҭ ҳәа рҳәеит Афонд "Ашана" аҟны.

Афонд "Ашана" аусзуҩы Мактины Џьынџьалԥҳа ишылҳәаз ала Анела ҵаҟатәәи лыцламҳәа лыцызҳаӡом.

Афондахь ианыдҵаалоз Анела лыцламҳәа арҵысрагьы лцәыуадаҩын, иуадаҩын лыкрыфареи лцәажәареи.

Анела лҳақьым Нар Ҭаниа иаҳзеиҭеиҳәеит Анела хәыҷы дшидырыз 2012 шықәса рзы.

"Лҿы аартра ауадаҩра аман, сантиметрабжак акәын иахьынӡалзаартуаз. Иакымкәа аоперациақәа лзутәын. Усеиԥш иҟоу аоперациақәа аҳәаанырцә ауп иахьыҟарҵо. Уажәазы ахыркәшаратә операциа лҭахны дыҟоуп", — иҳәеит Ҭаниа.

Иара иазгәеиҭеит уажәазы илзынханы иҟоу ауадаҩрақәагьы раԥыхра шалшо. Анелы лан Марина Қәҭарба иҳалҳәеит ахәыҷы лҭагылазаашьа акырӡа ишеиӷьу.

"Даара иаҳҭахуп лҩызцәа зегьы шыҟоу дыҟазарц", — лҳәеит лара.

Афонд аусзуҩцәа ражәақәа рыла ахәышәтәра нагӡатәуп, мамзар Анела лхаҿы акьыл шамоу даанхоит.

Атемақәа:
Ҳаидгыланы аԥсҭазаара еиқәҳархап (31)

Ихадоу атемақәа