14:47 23 Жьҭаара 2017
Аҟәа+ 18°C
Ишиашоу ицо аефир
Конвейер на заводе Напитки Абхазии и Ко в Пицунде.

Пицундантәи "Аԥсҳа" даҳзаауеит

© Sputnik / Томас Тхайцук Владимир Бегунов
Аԥсны
Икьаҿу ахьарԥш аиура
Иҟаҵоуп Аԥсны (24)
3310

Аԥснытәи аҩыҟаҵаҩцәа аҵыхәтәантәи аамҭазы еиҳа игәцараркуа иалагеит европатәи ажь хкқәа: Каберне-Совиньон, Шираз, Мерло, Алиготе.

Аԥсны иҭрыжьуа аҩы хкқәа ртәы еиликаауан ҳкорреспондент Владимир Бегунов.

Аԥсны ҩы зауад дуқәаны иԥхьаӡоуп Аҟәатәи азауад "Вина и воды Абхазии" нас, Пицундатәи анаплакы "Напитки Абхазии и Ко". Дара рыҩба роуп ареспублика жәларбжьаратәи афорумқәеи ацәыргақәҵақәеи рҟны иӡырызго.

Ҳара ҳаҭаан ҳаҟоуп Пицундатәи азауад. "Напитки Абхазии и Ко" ааглыхреи аҭаҭәареи рыҟәша аиҳабы Витали Григорьев еиҭеиҳәоит азауад ишамоу 350 гектар аӡахәаҭрақәа. Иахьазы уи азауад аусуразы иазхоит ҳәа иԥхьаӡоуп.

Коллекция шампанских вин Напитки Абхазии и Ко
© Sputnik. Владимир Бегунов
Коллекция шампанских вин "Напитки Абхазии и Ко"

Пицунда уазааигәахо уаналагалак иубарҭоуп урҭ аӡахәаҭрақәа. Ақырҭуа-аԥсуа еибашьра ашьҭахь ареспубликаҟны изызҳауаз аӡахәаҭрақәа гәыгәҭажьхеит. Уажәы шьаҿа-шьаҿа ала акәзаргьы аӡахәааӡара аус хацыркхеит.

Анаплакы апресс-маҵзура аусзуҩцәа ражәақәа рыла аӡахәаҭрақәа еиҳа-еиҳа рыҽдырҭбаауеит. Аӡахәа 25 шықәса рҟынӡа иажәӡом, аха ажәытәқәа аҿатәқәа рыла иԥсахлатәуп.

Ҵыԥх 2400 тонна ажь ааҳрыхит, — иҳәоит Витали Григорьев. – ашампанҩы миллионк рҟынӡа ԥаҭлыка ҭаҳҭәеит, аҩы – миллионбжак. Еиуеиԥшым ажь ҳааӡоит: Каберне-Совиньон Пицундеи Очамчыреи иазҳауеит, аҳауа анаалоит.

Погреб на заводе Напитки Абхазии и Ко в Пицунде
Погреб на заводе "Напитки Абхазии и Ко" в Пицунде

Ашампаныҩқәа знапы рылаку азауад аусзуҩ Анатоли Патраш Молдавиантәи дааит. Иара иажәақәа рыла ахьӡ "Шампанское" Франциа ада егьырҭ атәылақәа рхы иадырхәомзт, аха Аԥсны рхы иадырхәо атехнологиа иахьырԥшны аетикеткаҟны ианырҵо иалагеит.

"Сара иансазҵаауа "избан Урыстәылатәи аҩқәа – ихәмаруа ҳәа изрышьҭо, Аԥснытәи — шампанское ҳәа аҭак ҟасҵоит: "аԥсуа ҩқәа рымацара роуп франциатәиқәа ирышьашәало" ҳәа".

Анатолий Патраш 1983 шықәса раахыс аҩыҟаҵара инапы алакуп. Иԥшәмаԥҳәысгьы азауад аҟны химик-технологуп. Молдавиантәи Аԥсныҟа дара аарыԥхьеит хәышықәса раԥхьа. Молдавиатәии Аԥснытәии аҩқәа ианрылацәажәо:

"Урҭ узеидкылом. Ара зынӡа аҽа ҳауатә ҭагылазаашьоуп иҟоу. Исҳәарц исылшоит аԥсуа ҩқәа рхаҭабзиара акыр иҳаракуп ҳәа", — иҳәоит Анатоли.

Витали Григориеви сареи аҩқәа зҭоу ауалырқәа ахьыҟоу ахь ҳнеиуеит. Араҟа иҵәахуп жәа-нызқь декалитр рҟынӡа иреиӷьу аҩқәа. Урҭ сынтәа аҭирҭахь инарышьҭраны иҟоуп.

Витали Григориев иажәақәа рыла аҭирҭахь инеираны иҟоуп "Аԥсҳа" ("Царь Абхазии") захьӡу аҩы шкәакәеи аҩеиқәаҵәеи. Аҩбзиа ахәшьаҩцәа рзы иҭрыжьраны иҟоуп ҷыдала шықәсык зхыҵуа ф-нызқь ԥаҭлыка.

Ҳара ҳнеиуеит "Аԥсуа Нарҭаа" захьӡу аҩы ахьҭарҭәо ацех ахь. Иара ажь хкқәа хԥа ирылырхуеит: 30% Рислинг, 30% Алиготе, 40% Совиньон-Блан.

Аконвеинертә цәаҳәа иалшоит 6 000 ԥаҭлыка сааҭк ала рырҭәра. Араҟа иара убасгьы иҭарҭәоит аминерал ӡқәа, алимонад, ауараш, ауатка. Акониак. Ашампанҩы.

Аԥаҭлыка ӡәӡәаны алиниахь инарышьҭуеит. Аҭаҭәара, ахҩара, аетикетка адырҷаблара, аиашьыкьқәа рҭаргылара – зегьы автомат иҟанаҵоит. Ахылаԥшыҩцәа уи апроцесс еиԥҟьарак амоурц иахылаԥшуеит.

Азауад алобараториаҟны ҭынчроуп. Алабораториа аиҳабы Анатоли Гроздев иаҳзеиҭеиҳәоит аҩы анализ шазыруа.

"Априборқәа рахь ихадоу ҳәа иԥхьаӡоуп агаз хроматограф. Иара 600 000 рҟынӡа маҭәашьар агәаларшәагаҿ иарбоуп. Иҟалоит иҵегь еиҳахаргьы. Иарбанызаалак аӡыра аилазаара нагӡаны иунарбоит. Дарбанызаалак агьамабаҩ уи аҩыза алшара имам", — иҳәоит Гроздев.

Ашампанҩы иазку ацех аҟны Анатоли Патраш иаҳзеиҭеиҳәоит аҩы агьама аҷыдарақәа ртәы. Иаҳзеиҭеиҳәеит зны аԥаҭлыкақәа руак аркра ихашҭны хымчыбжьа рҟынӡ ишгылаз. Иангәеиҭагь аҩы аччаҳәа аилашра иаҿын.

Уажәы аԥсуа шампанҩы еилашуеит 20 тонна зкуа акратофор дуқәа рҟны. Аха раԥхьаҟаз иргәиҭоуп аԥаҭлыка ҷыдақәа рҭаҭәара. Агәаҭарақәа мҩаԥгоуп. Атехнологиа аусура иалагоит. Ҳәарада ахәԥса макьаназ ишьақәыргылам аха ишмаҷымхо еилкаауп.

"Аԥаҭлыкақәа апипиутар захьӡу астеллажқәа ирықәырҵоит. Аамҭа-аамҭала идыргьыжьлоит, нас дегоржаж захьӡу аоперациа мҩаԥыргоит, уи еиҳарак изықәманшәалахо аҳәса роуп", — иҳәоит ҳамҩаԥгаҩ.

  • Бочка в погребе элитных выдержанных вин на предприятии ООО Напитки Абхазии и Ко в Пицунде.
    Бочка в погребе элитных выдержанных вин на предприятии ООО "Напитки Абхазии и Ко" в Пицунде.
    © Sputnik. Владимир Бегунов
  • Контроль пустых бутылок перед розливом на предприятии ООО Напитки Абхазии и Ко в Пицунде.
    Контроль пустых бутылок перед розливом на предприятии ООО "Напитки Абхазии и Ко" в Пицунде.
    © Sputnik. Владимир Бегунов
  • Наклейка этикеток на бутылки с вином на предприятии ООО Напитки Абхазии и Ко в Пицунде.
    Наклейка этикеток на бутылки с вином на предприятии ООО "Напитки Абхазии и Ко" в Пицунде.
    © Sputnik. Владимир Бегунов
  • Чаны, в которые поступает давленный виноград на предприятии ООО Напитки Абхазии и Ко в Пицунде.
    Чаны, в которые поступает давленный виноград на предприятии ООО "Напитки Абхазии и Ко" в Пицунде.
    © Sputnik. Владимир Бегунов
1 / 4
© Sputnik. Владимир Бегунов
Бочка в погребе элитных выдержанных вин на предприятии ООО "Напитки Абхазии и Ко" в Пицунде.

"Аԥсны ҩыҟаҵарҭатә зауад дуқәа ҳәа аус зуа "Вина и воды Абхазии" "Напитки Абхазии и Ко" роуп. Аҩбатәи макьаназы инагӡаны аусура хнамыртлац. Иара аҽеиҵыхны аусура ишналагалак ареспубликаҟынтәи аҩы аекспорт ҩнтә, ҩынтәи бжаки еиҳахоит. Иҟоуп иара убасгьы рацәак идуум аха ареспубликаҟны еицгәарҭахьоу азауадқәа ԥшьба. Урҭ шықәсыкала 50-200 нызқь ԥаҭлыка аҩы ҭарҭәоит", — иҳәоит Аекономика аминистр Адгәыр Арӡынба.

Атемақәа:
Иҟаҵоуп Аԥсны (24)

Ихадоу атемақәа