05:34 15 Ԥхынҷкәын 2017
Ишиашоу ицо аефир
Государственный русский театр драмы

Аурыс драматә театр акастинг мҩаԥнагоит

© Sputnik. Томас Тхайцук
Аԥсны
Икьаҿу ахьарԥш аиура
5 0 0

Аҳәынҭқарратә аурыс драматә театр ирыланаҳәоит акастинг шымҩаԥнаго ахәыҷтәы спектакль аҟны.

АҞӘА, ԥхынгәы 25 – Sputnik, Анжелика Бениаԥҳа. Аҳәынҭқарратә аурыс драматә театр ирыланаҳәоит акастинг шымҩаԥнаго ахәыҷтәы спектакль аҟны. Ари раԥхьатәи хҭысуп атеатр аусураҟны, ҳәа Sputnik иазааицҳаит Аҳәынҭқарратә аурыс драматә театр адиректор Иракли Хынҭәба.

Иара иажәақәа рыла акастинг мҩаԥгахоит 10-шықәса зхыҵуа аҷкәын ироль азы. Ароль ихадарақәоу иреиуоуп.

Атеатр адиректор иазгәеиҭеит аспектакль ақәыргыларазы урыстәылатәи арежиссиор дшааԥхьоу, иқәдыргылараны ишыҟоу аурыс литератураҿы иналукааша ахәыҷтәы рҿиамҭа, аха ахьӡ имҳәеит.

"Макьана ахьӡ маӡоуп. Иаҳҭахуп акастинг аҟны ахәыҷы жәеинраалак даҳзаԥхьарц, иактиортә ҟазшьақәа ааирԥшырц", — иҳәоит Хынҭәба.

Акастинг ахь иааԥхьоуп 10-15 шықәса зхыҵуа ахәыҷқәа.

"Акастинг ахь зҽанызҵахьо ыҟоуп. Иҵегь арзаҳалқәа ҳарзыԥшуп. Дасу имоуп алшара ароль ду дыхәмарырц", ҳәа азгәеиҭеит адиректор.

Акастинг мҩаԥысраны иҟоуп ԥхынгәы 27 асааҭ 10 инаркны асааҭ 17 рҟынӡа Аурыс драматә театр аҟны.

Ихадоу атемақәа