15:59 16 Ԥхынҷкәын 2017
Аҟәа+ 14°C
Ишиашоу ицо аефир
Аԥсны абираҟ Аҩадатәи аполиус аҟны

Аԥсны абираҟ Аҩадатәи аполиус аҟны ақәыргылара иазку астенд Аԥсны ахадара ирыҭан

© Фото: предоставлено пресс-службой президента
Аԥсны
Икьаҿу ахьарԥш аиура
4020

Аҳәынҭқарратә Думаҟны КПРФ афракциа аппарат аусзуҩ Александр Трубицын Аԥсны ахадара ириҭеит Аԥсны абираҟ Аҩадатәи аполиус аҟны ақәыргылара иазку астенд.

АҞӘА, ԥхынгәы 25 – Sputnik, Рада Ажьиԥҳа. Аԥсны Аҳәынҭқарра ахьыԥшымра Урыстәылатәи Афедерациа ианазханаҵа ашьҭахь арахь иаауеит ирацәаҩны ҳтәыла аҩызцәа. Атәыла анапхгара даара ҳаҭырла ирзыҟоуп еиҳа иуадаҩыз аамҭақәа рзы знапы ҳазҭаз ауаа, иҳәеит атәыла Ахада ихаҭыԥуаҩ Витали Габниа, Аҳәынҭқарратә Думаҟны КПРФ афракциа аппарат аусзуҩ Александр Трубицыни атәыла Ахада Иусбарҭа аппарати реиԥылараан.

"Шәара ҳара ҳзы иналукааша сасуп. Гәыкала бзиала шәаабеит ҳәа шәаҳҳәоит. 2001 шықәса рзы Аԥсныҟа шәанааз инаркны ацхыраара ду ҳашәҭоит. Шәа шәҩызцәа роуп ҳтәылақәа рыбжьара иҟоу аиҩызара зыжәҩа иқәу", — иҳәоит Габниа.

Иара убасгьы иазгәеиҭеит Александр Трубицын Пицундатәи абжьаратә школ афинанстә цхыраара шаиҭоз, еиуеиԥшым аиҿкаарақәа акомпиутортә уадақәа рыла ишеиқәиршәоз.

"Сара иаазгеит арахь 2003 шықәса рзы Аҩадатәи аполиус аҟны Аԥсны абираҟ ақәыргылараҟынтә афотоҳасабырба. Акциа аԥшьыргеит Аԥсни Урыстәылеи ркомпартиақәа рхантәаҩцәа. Аԥсны абираҟ амш аҽны ҳамҭас ишәымаз абри афотоколлаж", — иҳәеит Александр Трубицын.

Афотоколлажқәа ҳамҭас ирыҭан аҳәынҭқарра Ахада Рауль Ҳаџьымба, Аԥсны акоммунисттә партиа ахантәаҩы Лев Шамба, Владислав Арӡынба ихьӡ зху Аибашьратә фырхаҵара аҳәынҭқарратә музеи адиректор Мзиа Беиаԥҳа, Аԥсны акоммунисттә партиа актәи амаӡаныҟәгаҩ Енвер Қапба иҭаацәа.

Раԥхьаӡа акәны Аԥсны абираҟ Арктика иқәыргылан мшаԥымза 14 2003 шықәса рзы Артур Чилингаров инапала.

Ихадоу атемақәа