Аурыс-аԥсуа ҳәаа иахысуа рхыԥхьаӡара еиҳахеит

© Sputnik Томас ТхайцукАҳәаа. Архивтә фото.
Аҳәаа. Архивтә фото. - Sputnik Аҧсны
Анапаҵаҩра
"2015-2016 шықәсқәатәи асезон аԥыларазы имҩаԥгаз аусурақәа еиӷьыртәит аҳәааҟны ауаа рахыжьра 38 нызқьҩык рҟынӡа инеиҳаны", - иҳәеит аҳәаахьчаратә хылаԥшра "Адлер" аиҳабы Виачеслав Карелин.

АҞӘА, ԥхынгәы 29 — Sputnik. Аҳәаа иахысырц зҭаху рхыԥԥхьаӡара еизҳаит 20% рыла ҵыԥхтәи аамҭа иадкылан уахәаԥшуазар, ҳәа ажурналистцәа иреиҳәеит Краснодар атәылаҿацә аҟны аҳәаахьчаратә усбарҭа ахаҭарнак.

Автомобил аушьҭырҭатә пункт "Адлер" Аԥсни Урыстәылеи еимаздо транспорттә мҩоуп. Иара уахыки-ҽнаки рыла 28 нызқьҩык ауааԥсыреи 1,5 нызқь транспорт хархәагеи шракәугьы иаунашьҭша, урҭ рхыԥхьаӡара акырынтә еиҳауп. 2015 шықәса рыҩныҵҟа аҳәаа иахысит 3 миллионҩык ауааԥсыреи 600 нызқь автомобили. 2016 шықәса абжьымз рзы 3,5 миллионҩыки 750 нызқь транспорт хархәагеи.

"2015-2016 шықәсқәатәи асезон аԥыларазы имҩаԥгаз аусурақәа еиӷьыртәит аҳәааҟны ауаа рахыжьра 38 нызқьҩык рҟынӡа инеиҳаны. Ауаа роума атранспорт хархәагақәа роума ари ашықәс азы иахыҵуа еиҳауп", — иҳәеит аҳәаахьчаратә хылаԥшра "Адлер" аиҳабы Виачеслав Карелин.

Иара убасгьы иҳәеит араҟа еснагь рыҽшазыршәо аҳәаа иахысуа рҭагылазаашьа аиӷьтәразы. Убас нанҳәа акы инаркны ирыцҵахоит ашьапыламҩаҟны апаспорт-хылаԥшратә кабинақәа.

 

Ажәабжьқәа зегьы
0