00:49 24 Ажьырныҳәа 2018
Ишиашоу ицо аефир
Беслан Ешба

Беслан Ешба Аԥыза-министр ихаҭыԥуаҩыс далхуп

© Sputnik / Томас Тхайцук
Аԥсны
Икьаҿу ахьарԥш аиура
11 0 0

Аԥсны Аԥыза-министр Артур Амқәаб ԥхьатәара ицара инадҳәаланы Аԥсны Аминистрцәа реилазаара ҿыц аиҿкаара иаҿуп.

АҞӘА, нанҳәа 15 — Sputnik. Нанҳәа 12 2016 шықәса рзы Аԥсны Ахада Рауль Ҳаџьымба Идҵа инақәыршәаны Аԥыза-министр ихаҭыԥуаҩыс дҟаҵоуп Ешба Беслан Федор-иԥа. Абри атәы аанацҳаит атәыла Ахада Иусбарҭа.

Беслан Фиодор-иҧа Ешба диит 1967 шықәса ҧхынҷкәын 23 рзы.

1985 шықәсазы далгеит Н.А. Лакоба ихьӡ зху 10-тәи Аҟәатәи абжьаратәи школ.

1992 шықәсазы далгеит Қырҭтәылатәи Ақыҭанхамҩа аинститут Аҟәа ақ. аҟны. Азанааҭ — анџьныр атехнолог.

1986 шықәса инаркны 1988 шықәсанӡа СССР Арбџьармчқәа рыҟны аррамаҵзура дахысуан.

1992-93 шықәсқәа рзы Аҧсны Жәлар рџьынџьтәылатә еибашьраан Аҧсны Аҳәынҭқарратә Мчхара Иреиҳаӡоу Аусбарҭақәа рыхьчара амаҵзура аилазаараҟны дыҟан.

Аибашьрашьҭахьтәи ахҭысқәа раан Аҟәатәи абаталион акомандаҟаҵаҩы ихаҭыҧуаҩыс дыҟан. Кәыдрытәи аоперациаҟны 2008 шықәсазы 4-тәи Аҟәатәи Абригада акомандаҟаҵаҩы ихаҭыҧуаҩыс дыҟан.

1994 шықәса инаркны 1995 шықәсанӡа Аҧсны Ахада Владислав Арӡынба идҵала напхгара аиҭон "Аҧсны Аиҭаира Афонд" Москва ақалақь аҟны, атәылахь агуманитартә цхыраара аагара инапы иалакын.

1996 шықәса жәабранмза инаркны 1999 шықәса жәабранмзанӡа аекономикатә зҵаарақәа рзы Аҧсны Ахада иабжьгаҩыс дыҟан.

1999 шықәса инаркны 2005 шықәсанӡа напхгара аиҭон Аҳәынҭеилахәыра "Аҧсныбылтәы".

2007 шықәса инаркны 2010 шықәсанӡа Абанк “Универсал Банк” ахеилак Ахантәаҩыс дыҟоуп.

2010 шықәса нанҳәамза инаркны 2011 шықәса цәыббрамзанӡа Аҧсны Аҳәынҭқарра аиҳабыра рхада ицхырааҩыс дыҟоуп.

2012 шықәса лаҵарамза инаркны 2013 шықәса мшаҧымзанӡа Аҧсны Жәлар Реизара адепутатс дыҟоуп.

2013 шықәса мшаҧымза 30 рзы, Аԥсны Ахада Иусҧҟала аҧыза-министр ихаҭыҧуаҩыс даҭоуп.

2014 шықәса рашәарамзазы аҧыза-министр ихаҭыҧуаҩ имаҵура ааныжьразы арзаҳал иҩит.

2015 шықәса нанҳәамза 15 инаркны иахьауажәраанӡа АУЕ “Аҧсадгьыл”напхгара азиуеит.

Аекономикатә ҵарадыррақәа дыркандидатуп.

Беслан Ешба дҭаацәароуп, ҩыџьа ахшара имоуп.

Ихадоу атемақәа