Аԥснытәи ашколхәыҷқәа аныҟәараҟынтәи ихынҳәит

© Фото : Ризван СтечкинАҵара-рккаратә ныҟәара "Мшыбзиа Урыстәыла"
Аҵара-рккаратә ныҟәара Мшыбзиа Урыстәыла - Sputnik Аҧсны
Анапаҵаҩра
Аҵара-рккаратә ныҟәара "Мшыбзиа Урыстәыла" мҩаԥысит нанҳәа 4 - 11 рзы. Абри аамҭазы Аԥснытәи ашколхәыҷқәа Санкт-Петербург иаҭаан иҟан.

АҞӘА, нанҳәа 25 – Sputnik, Роберт Џьапуа. Аурыс бызшәазы ареспубликатә олимпиадаҟны аиааира згаз рхы аладырхәит аҵара-рккаратә ныҟәара "Мшыбзиа Урыстәыла". Абри атәы Sputnik иазеиҭалҳәеит Аԥсны иҟоу аурыс обшьчинақәа ркоординациатә хеилак аинформациатә центр анапхгаҩы Елена Шестакова.

Шестакова лажәақәа рыла нанҳәа 4 — 11 рзы Санкт-Петербург иҟан Аԥснытәи аҵаҩцәа. Урҭ аҭаан ирбеит ақалақь аԥшӡарақәа.

"Ари ауснагӡатә мҩаԥган Урыстәыла Аԥсны азханаҵеижьҭеи аа-шықәса аҵра аламҭалазы. Ари аныҟәара иалахәыз ахәыҷқәа даара агәахәара рыманы ихынҳәит", — лҳәеит лара.

Аԥсны иҟоу аурыс обшьчинақәа ркоординациатә хеилак аинформациатә центр анапхгаҩы Елена Шестакова иара убасгьы иазгәалҭеит аныҟәара иалахәыз реиҳараҩык раԥхьаӡа акәны Санкт-Петербург шырбаз.

"Агәра згоит урҭ изныкымкәа уахь ихынҳәып ҳәа. Иҟалашт иара уаҟа зҵара иацызҵарц зҭаххогьы", — лҳәеит Шестакова.

Есышықәсатәи ари ауснагӡатә иалахәын иара убасгьы Британиа Ду, Венгриа, Бельгиа, Ҟазахстан уҳәа рҟынтәи ашколхәыҷқәа.

Ажәабжьқәа зегьы
0