12:23 22 Нанҳәа 2017
Аҟәа+ 27°C
Ишиашоу ицо аефир
Аԥсны Аԥыза-министр Беслан Барцыц.

Барцыц: аинвесторцәа рзы иманшәалоу аҭагылазаашьа аԥҵара – аиҳабыра ируалԥшьоуп

© Sputnik / Томас Тхайцук
Аԥсны
Икьаҿу ахьарԥш аиура
510

Аинвесторцәа рзы иманшәалоу аҭагылазаашьа аԥҵара – аиҳабыра ируалԥшьоуп, иҳәеит Аԥсны Аԥыза-министр Беслан Барцыц.

АҞӘА, цәыббра 15 – Sputnik, Роберт Џьопуа. Аԥшьаша, цәыббра 15 рзы имҩаԥысыз Аԥсны Аҳәынҭқарра Аминистрцәа Реилазаара аилатәараҟны Аԥыза-министр Беслан Барцыц иазгәеиҭеит абизнес аҿиаразы иахәҭаны иҟоу аҭагылазаашьақәа раԥҵара шхымԥадатәиу.

"Ҳара иаҳуалуп аинвесторцәа ауадаҩрақәа ирықәымшәо аҟаҵара. Апроектқәа зманы ҳара ҳахь иаднагало ирдыруазароуп аиҳабыра урҭ рыцхраара ишазыхио" — иҳәеит Барцыц.

Аиҳабыра рхада иара убасгьы иазгәеиҭеит зхы бзианы иаазырԥшыз аилахәырақәа ишрыцхлаатәу.

"Ҳара урҭ аилахәырақәа рыҽдырҭбаалар ҳҭахуп, еиҳау аҩаӡарахь инеир ҳҭахуп, избанзар усеиԥш иҟалар аҳәынҭқарра аказна аԥара еиҳаны иҭаргалоит, аусутә ҭыԥқәа ҟалоит", — иҳәеит иара.

Аилатәарахь инаган азҵаарақәа 10. Урҭ реилыргаразы сааҭыбжак аҟароуп аамҭас иаҭаххаз.

ЗҲәА "Фруктис" Очамчыра араион Маркәыла ақыҭан адгьылаҵатәи атерминалтә ӡқәа рыҵхразы адгьылҭыԥ ахархәара азин аҭарази ЗҲәА "Ресурс–Юг" Аҟәа араион аҟны адгьылаҵатәи атерминалтә ӡқәа рыҵхразы адгьылҭыԥ ахархәара азин аҭарази рганахьала азҵаарақәа ибзиоуп ҳәа рыхҳәааны ирыдкылан.

Ихадоу атемақәа