05:25 15 Ԥхынҷкәын 2017
Ишиашоу ицо аефир
Архивное фото СИЗО Дранда

Џьелиа: "Дранда" зҳәатәы ылнаго анапхгаҩы даҭахуп

© Sputnik / Томас Тхайцук
Аԥсны
Икьаҿу ахьарԥш аиура
2311

СИЗО "Дранда" уаанӡатәи аиҳабы, аполковник Руслан Џьелиа ахҳәаа аиҭеит Драндатәи абахҭаҟны ахҭыс змаз аҭыԥ - абаандаҩцәа рыбналара.

АҞӘА, жьҭаара 3 – Sputnik, Рада Ажьиԥҳа. СИЗО "Дранда" анапхгараҟны даҭахуп зажәа ԥхылнадо ауаҩы, иҳәеит СИЗО "Дранда" уаанӡатәи аиҳабы, аполковник Руслан Џьелиа.

"Асеиԥшқәа ҟамларц азы араҟа даҭахуп зажәа ԥхылнадо, акоманда ӷәӷәа змоу ауаҩы. Уи адагьы ара аус зуа ирыхәҭоу рџьаԥсахәы рызшәалатәуп. Сара сҭыԥ санамырх ашьҭахь ирацәаҩуп исышьҭаланы ицаз", — иҳәеит иара.

Абахҭаҟынтәи ибналаз макьанагьы иаанкылам. Џьелиа иажәақәа рыла ацәгьауҩы Бачуки Латариа еснагь иҳәон ара акраамҭа саанхом ҳәа.

Џьелиа игәаанагарала Аԥсны азинхьчаратә органқәа рҟны ирацәаҩуп СИЗО "Дранда" аиҳабыра ныҟәызгаша ауаа.

Аизолиатор уаанӡатәи аиҳабы, аполковник Руслан Џьелиа имаҵзураҟынтәи ихы дақәиҭтәын ԥхынҷкәын 10 2015 шықәса рзы.

Жьҭаара 1 2016 шықәса рзы СИЗО "Дранда" аҟынтәи хҩык ацәгьоуцәа бналеит. Аԥсны Аҩныҵҟатәи аусқәа рминистр Аслан Кобахьиа идҵала аизолиатор аиҳабы Геннади Чхетиа инапынҵақәа рҟынтәи ихы дақәиҭтәуп. Аамҭала уи инапынҵақәа неигӡоит аминистр ихаҭыԥуаҩ Виачеслав Џьуӷьелиа.

Ихадоу атемақәа