06:39 26 Цәыббра 2017
Аҟәа+ 21°C
Ишиашоу ицо аефир
РУСДРАМ актиор Рубен Депелиан.

Депелиан: аспектакль афырхаҵа дҵоурам аха ҳаинаалоит

© Sputnik / Томас Тхайцук
Аԥсны
Икьаҿу ахьарԥш аиура
12 0 0

"Театральный Олимп" аҟны рықәгылареи, Шекспир ахааназ дшымажәуеи, аспектакль "Рождество в доме Купьелло" амаӡақәеи ҳкорреспондент Наала Аҩӡыԥҳа илзеиҭеиҳәеит РУСДРАМ актиор Рубен Депелиан.

Аурыс драматә театр қәҿиарала иқәгылеит Шәача, Аӡынтәи атеатр асценаҟны. Аспектакль "Тартюф" ала иаартын VI афестиваль "Театральный Олимп". Урҭ агострольқәа РУСДРАМ актиорцәа рзы иззыԥшымыз акакәхеит.

Аԥсуа артистцәа гәахәарыла ирыдыркылеит шәачатәи ахәаԥшыҩцәа. Тартиуф ироль ахәмарра истуденттә аамҭақәа раасҭа игәаҳәараны иман Рубен Депелиан.

"Афырхаҵа дҵоурам аха иареи сареи ҳаимабзиоуп. Сара уи акыр дысгәаԥхоит. Сгәыӷуеит иара иҟазшьа ҷыдақәа сара сахь ииасрым ҳәа" — длафуеит актиор.

Депилиан иазгәеиҭоит актиор ифырхаҵа хымԥаданы бзиа дибозар шакәу. Ароль уаныхәмаруа иуҭахны ухәмаруазароуп, угәы аццозароуп.

Рубен Депелиан иахьазы иаалхны рольк сыхәмарындаз ҳәа аагәазыҳәара имам.

"Иаҳҳәап Гамлет ироль сыхәмарындаз сҳәом. Ибзианы издыруеит уи ароль адагьы уҽахьаауртыша арольқәа рацәаны ишыҟоу", — иҳәоит иара. Ҳәарада Шекспир ифырхацәа рыхәмарра ахаангьы угәы ахшәаӡом. Шекспир уирааԥсаӡом ҳәа дхәыцуеит Рубен.

Рубен Депелиан иҿцәажәара шәазыӡырҩыр ҟалоит абра

Жьҭаара 19, 20 и 21 рзтәи аспектакльқәа "Рождество в доме Купьелло" ахәаԥшцәа акыр иаргәырӷьап ҳәа агәыӷра имоуп актиор.

"Аспектакль ҳара актиорцәа ҳазгьы акыр иҿыцуп. Ҳара уаанӡа асеиԥш ҳмыхәмарцызт. Аиҳарак иаҳахәмаруаз комедиан, ариариитрагикомедиоуп. Ахәаԥшыҩгьы ҿыцрак ҳадибалап", — иҳәоит Рубен Депелиан.

Ихадоу атемақәа