11:19 15 Ԥхынҷкәын 2017
Ишиашоу ицо аефир
Аинформациа-координациатә центр аиҿкаара иалацәажәеит Аҟәа

Аинформациа-координациатә центр аиҿкаара иалацәажәеит Аҟәа

© Sputnik / Томас Тхайцук
Аԥсны
Икьаҿу ахьарԥш аиура
15 0 0

2014 шықәса абҵарамзазы анапы зҵаҩыз Аԥсни Урыстәылеи рыбжьара аиҩызареи астратегиатә партниорреи рзы Аиқәшаҳаҭра иазыԥхьагәанаҭоит ацәгьоура аҿагыларазы Аинформациа-координациатә центр аиҿкаара.

АҞӘА, жьҭаара 13 – Sputnik, Роберт Џьопуа. 2014 шықәса абҵарамзазы анапы зҵаҩыз Аԥсни Урыстәылеи рыбжьара аиҩызареи астратегиатә партниорреи рзы Аиқәшаҳаҭра иазыԥхьагәанаҭо ацәгьоура аҿагыларазы Аинформациа-координациатә центр аиҿкаара иалацәажәеит Аԥсны азиндырыҩцәа астол гьыжь амҩаԥгараан.

Аԥсны уаанӡатәи Апрокурор хада Алексеи Ломиа иҳәеит асеиԥш иҟоу ацентр аԥҵара цәгьара аҵаны ишимбо.

"Сара сскептикым. Ацентр аԥҵара иадызбалом ҳҳәынҭқарра асуверенитет азы бааԥсра. Уи адагьы ҳара макьаназы ҳазлацәажәо аус зыдулара иаҿу документуп", — иҳәеит иара.

Ломиа иара убасгьы иазгәеиҭеит ацентр аусуразы ишаԥҵахо анормативтә база.

Азиндырыҩ Баҭал Табаӷәуа игәаанагарала Аинформациа-координациатә центр аԥаҳамҵар ада ԥсыхәа ҳамамкәа ҳаҟам, избанзар ацәгьоура аҿагыларазы Аԥсни Урыстәылеи рыбжьара иҟоуп иҵегьы Аиқәшаҳаҭрақәа.

Ацентр храны иамоу рацәак еилкаам иҳәеит Табаӷәуа.

"Аинформациа-координациатә центр аԥаҳамҵар ада ԥсыхәа ҳамамкәа ҳаҟам, избанзар ацәгьоура аҿагыларазы Аԥсни Урыстәылеи рыбжьара иҟоуп иҵегьы Аиқәшаҳаҭрақәа. Урҭ аиқәшаҳаҭрақәа ишахәҭоу аус руа иҟаҵатәуп. Ацентр храны иамоу рацәак еилкаам", — иҳәеит иара.

2014 шықәса абҵарамзазы анапы зҵаҩыз Аԥсни Урыстәылеи рыбжьара аиҩызареи астратегиатә партниорреи рзы Аиқәшаҳаҭра иазыԥхьагәанаҭоит ацәгьоура аҿагыларазы Аинформациа-координациатә центр аиҿкаара.

Ацентр иахықәкы хаданы иҟоуп аоперативтә информациа аимдара аиҿкаара.

Ихадоу атемақәа