Аибашьра ашьҭахь иҭахаз рхыԥхьаӡара Гәымсҭатәи афронт аҟны иҭахаз иреиҳауп

© Sputnik Бадри ЕсиаваААР аминистр Аслан Кобахьиеи ареспубликатә Автоинспекциа аиҳабы Наур Смыри абрифинг мҩаԥыргеит
ААР аминистр Аслан Кобахьиеи ареспубликатә Автоинспекциа аиҳабы Наур Смыри абрифинг мҩаԥыргеит - Sputnik Аҧсны
Анапаҵаҩра
Аԥсны Аҩныҵҟатәи аусқәа рминистр Аслан Кобахьиеи ареспубликатә Автоинспекциа аиҳабы Наур Смыри абрифинг мҩаԥыргеит.

АҞӘА, жьҭаара 26 – Sputnik, Бадри Есиава. Аибашьра ашьҭахь амҩатә машәырқәа рҟны иҭахаз рхыԥхьаӡара Гәымсҭатәи афронт аҟны иҭахаз иреиҳауп иҳәеит Аԥсны Аҩныҵҟатәи аусқәа рминистр Аслан Кобахьиа иареи ареспубликатә Автоинспекциа аиҳабы Наур Смыри еицымҩаԥыргаз абрифинг аҟны.

"Аҭагылазаашьа даара ишәарҭоуп. 23 шықәса рыла амҩатә машәырқәа рҟны иҭахаз рхыԥхьаӡара Гәымсҭатәи афронт аҟны иҭахаз иреиҳауп", — иҳәеит Кобахьиа.

Аминистр иазгәеиҭеит астатистикатә дыррақәа рыла 1994 —2016 шықәсқәа рзы ареспубликаҟны аҭыԥ рыман 3313 авариа. Иҭахеит 1336-ҩык, ахәрақәа роуит 5221-ҩык. Аиҳарак амашәырқәа зыхҟьаз амашьына аԥсҟы зку арыжәтә ыжәны мамзаргьы анаркотикатә маҭәашьар рылаҵаны иахьыҟоу ауп.

Ажәабжьқәа зегьы
0