05:35 15 Ԥхынҷкәын 2017
Ишиашоу ицо аефир
РУСДРАМ асценаҟны фентази астиль

РУСДРАМ асценаҟны фентази астиль

© Sputnik / Томас Тхайцук
Аԥсны
Икьаҿу ахьарԥш аиура
5 0 0

Френк Бауман илакә иалху аспектакль-фентази «Аихатәы мҿыԥҟаҩы» апремиера мҩаԥысит абҵара 30 рзы Аурыс драматә театр асценаҟны.

Sputnik, Анжелика Бениаԥҳа.

Аҳәынҭқарратә аурыс драматә театр кәапеишәа иҭәын ахәаԥшцәа рыла. Урҭ реиҳараҩык хәыҷқәан. Асценаҿ аԥардақәа раартреи алашара ацәареи минуҭқәак шрыгыз, атеатр адиректор Иракли Хынҭәба еизаз ахәаԥшцәа хәыҷқәа ирзеиҭеиҳәеит иааркьаҿны атеатр аҟны рхы шымҩаԥыргаша, актиорцәа рыхәмарраҟны ишрыцхрааша.

Ҳәарада иуадаҩуп ахәыҷы изы ҩ-сааҭк инарзынаԥшуа ҭынч дтәаны аспектакль дахәаԥшырц, аха иуҳәар ауеит урҭ фырхаҵарыла рхы мҩаԥыргеит – ирычҳаит ҳәа.

"Аихатәы мҿыԥҟаҩы" асиужет Дороти Оз атәылаҟны днанагаанӡатәи аҭоурых ауп иаҳәо. Амҿыԥҟаҩы Николаси Жевунаа иртәу Еммии рыбзиабара алакәқәа зегь рҿеиԥш даԥырхагоуп аџьашьахәымҩаԥгаҩ  Гингема. Лара,

Амҿыԥҟаҩы нас инапы, ишьапы, ихы хызҵәараны иҟоу аиха лҟуеит. Аха Амҿыԥҟаҩы иҩыза, Ажьиҩы аиха ихнаҵәҵәаз Амҿыԥҟаҩы ихы, инапы, ишьапы џьыритәуеит.

Ахәаԥшцәа хәыҷқәа азал аҿы иахьтәаз ихәыҭхәыҭуан, асценаҟны ицоз  ргәы архыҭхыҭуан. Актиорцәа ракәзаргьы азал аҿы итәаз раасҭагьы ашәарҭара рыман.

Арежиссиор Нина Балаева иазгәалҭеит аспектакль адраматизм рацәаны ишаҵоу.

"Аспектакль уадаҩраны иаҵоу иара аиҳарак абжьарахәыҷқәра иахьазырхоу ауп, аха ҳақалақь аҟны уахьнеиша ахьмаҷу азы ахәыҷӡақәагьы ааргеит. Ҳара ҳахәаԥшцәа хәыҷқәа идҳарбар ҳҭахуп  абзиабара, ақьиара, аиҩызара закәу", — лҳәеит  Балаева. 

– Бгәы ишԥаанаго, изызкузеи бызхәаԥшыз аспектакль? – сиазҵаауеит 10 шықәса зхыҵуа Самир Гуниа.

– Сара ишеилыскааз ала уа иаҳәо  ауаҩы ибеиара мала акәӡам ишшьатәу, уи идоуҳалоуп ашьара шаҭаху. Иааидкыланы абзиабароуп зыӡбахә ҳәоу, — иҳәеит Самир.

Гуниа "Аихатәы мҿыԥҟаҩи" «Акәтарцына еиқәаҵәеи» еидкыло иҳәеит:

–Аиҳарак исгәаԥхаз Аихатәы уаҩ иоуп. "Аихатәы уаҩ" еиҳа иԥшӡами "Аихатәы мҿыԥҟаҩы" аасҭа. Шәақәшаҳаҭми?! – иҳәеит иара.

Аџьашьахәмҩаԥгаҩ лроль назыгӡо Симона Спафопуло лакәзар, "Сфырԥҳәыс абзиабара лылоуп. Лара бзиа дылбоит Амҿыԥҟаҩы. Аха уи азы ухы иаурхәалак ауам. Убри еилыркаароуп ахәыҷқәагьы. Алакә арҟәышра ҵакы амоуп", — лҳәоит.

15 минуҭ иҟаз аԥсшьараан актиор Армен Амирбекиан (Амҿыԥҟаҩы) деихатәны дцәырҵырц иҽазыҟаиҵон. Ишәиҵаз акәылӡы иара иажәақәа рыла 7 кьылак рҟынӡа инаӡон.  Асахьаҭыхыҩ-ақәыргылаҩ Архипа Лабахәуа ишиҳәаз ала папье-маше иалхын (агипси ақьаади  еилаҵаны ианклеиртәуа).

Лабахәуа иҳәеит акостиумқәеи адекорациақәеи раԥҵара уадаҩын аха аинтерес аҵан ҳәа.

Ихадоу атемақәа