05:26 25 Цәыббра 2017
Аҟәа+ 20°C
Ишиашоу ицо аефир
Аԥсны Аҳәынҭқарра Ахада Рауль Ҳаџьымба

Ҳаџьымба Путин адышшыларатә шәҟәы изишьҭит

© Sputnik / Томас Тхайцук
Аԥсны
Икьаҿу ахьарԥш аиура
5 0 0

Иааиԥмырҟьаӡакәа ООН аҟны Урыстәыла Ахаҭарнакс иҟаз Витали Чуркин иԥсҭазаара ҿахҵәеит ашәахьа, жәабран 20 рзы, Ниу-Иорк ақалақь аҟны.

АҞӘА, жәабран 22 – Sputnik, Бадраҟ Аҩӡба. Иааиԥмырҟьаӡакәа ООН аҟны Урыстәыла Ахаҭарнакс иҟаз Витали Чуркин иԥсра атәы Аԥсны ажәлар хьаа дуны ирыдыркылеит, уи адунеитә дипломатиа зегьы азы ицәыӡ дууп, ҳәа аҳәоит Аԥсны Аҳәынҭқарра Ахада Рауль Ҳаџьымба ООН аҟны Урыстәыла Ахаҭарнакс иҟаз Витали Чуркин иԥсра инамаданы Урыстәылатәи Афедерациа Ахада Владимир Путин изишьҭыз адашшыларатә шәҟәы аҟны. Абри атәы аҳәоит атәыла Ахада иофициалтә саит.

"Витали Иван-иԥа иаалырҟьаны иԥсҭазаара иалҵра урыстәылатәи аполитика адагьы адунеитә политика зегьы азы ирыцҳарахеит, ицәыӡ дууп. Витали Иван-иԥа иналукааша политикын, иара илшон аҭагылазаашьа ииашоу ахәшьара аҭара, аҽа гәаанагарак змоу иапоннентцәа рыбызшәа аилкаара. Иара ихьӡ иадҳәалоуп адунеи зегьы аҟны аҭынчреи ашәарҭадареи рырӷәӷәара", ҳәа аҳәоит Рауль Ҳаџьымба ишәҟәы аҟны.

Рауль Ҳаџьымба иазгәеиҭеит Витали Чуркин адунеи аҳәынҭқарра дуқәа реизыҟазаашьақәа аиӷьтәразы илагала дуны ишалоу.

"Шәгәырҩа шәыцеиҩаҳшоит. Витали Иван-иԥа иуацәеи иҭынхацәеи ҳрыдашшылоит", ҳәа арбоуп адышшыларатә шәҟәы аҟны.

Витали Чуркин ООН аҟни ООН Ашәарҭадаратә хеилак аҟни иааиԥмырҟьаӡакәа Урыстәыла Ахаҭарнакс дыҟан мшаԥымза 8 2006 шықәса раахыс.

Ихадоу атемақәа