Аԥсны Амилаҭтә банки Аԥсны ажурналистцәа Реидгылеи аконкурс рыларҳәеит

© Sputnik Бадри ЕсиаваБеслан Барателиа и Руслан Хашиг
Беслан Барателиа и Руслан Хашиг - Sputnik Аҧсны
Анапаҵаҩра
Аԥснытәи АИХ (СМИ) рҟны еиҳа инарҭбааны абанктә усура аарԥшразы аконкурс рыларҳәеит.

АҞӘА, хәажәкыра 1 – Sputnik, Бадри Есиава. Аԥснытәи АИХ (СМИ) рҟны еиҳа инарҭбааны абанктә усура аарԥшразы аконкурс рыларҳәеит Аԥсны амилаҭтә банк ахантәаҩы Беслан Бараҭелиеи Аԥсны ажурналистцәа Реидгыла ахантәаҩы Руслан Ҳашыги.

"Аԥсуа журналистикаҟны ишьақәгылеит аҭагылазаашьа 80-90% аинформациа аполитика ианазку. Егьырҭ ахырхарҭақәа, абанктә системазы аинформациагьы абрахь иналаҵаны аган иавахеит", — иҳәеит Аԥсны ажурналистцәа Реидгыла ахантәаҩы Руслан Ҳашыг.

Аԥсны амилаҭтә банк ахантәаҩы Беслан Бараҭелиа ари дақәшаҳаҭхеит. Иара иазгәеиҭеит аинформациа амамзаара ареспублика ауааԥсыра рфинанстә ҵарадырра ланарҟәуеит ҳәа.

"Ирацәаҩуп иззеиҩымдыраауа акредити абиуџьет аҟынтәи ацхыраареи. Абанкирцәеи афинансистцәеи рзы имариоу, ауааԥсыра рзы адырра уадаҩуп", — иҳәеит Бараҭелиа.

Аконкурс ахықәкы – абанкқәа русура аҭыԥантәи АИХ (СМИ) рҟны инарҭбааны алацәажәара, ареспублика ауааԥсыра еиҳа инарҭбаау аинформациа рыҭара ауп, рҳәеит аконкурс аиҿкааҩцәа.

Дара ражәақәа рыла аконкурс рҽаладырхәыр рылшоит Аԥсны иҟоу аинформациа амассатә хархәагақәа зегьы. Аконкурс мҩаԥысуеит хәажәкыра 1 инаркны ԥхынҷкәын 31 рҟынӡа. Аконкурс аихшьаалақәа рымҩаԥгаразы иаԥҵахоит акомиссиа ҷыда, ажурналистцәа Реидгылеи Амилаҭтә банк ахаҭарнакцәеи алархәны. Аихшьаалақәа мҩаԥгахоит 2018 шықәса жәабранмзазы.

Ажәабжьқәа зегьы
0