05:26 25 Цәыббра 2017
Аҟәа+ 20°C
Ишиашоу ицо аефир
Урыстәыла иҟоу Аԥсны ахәаахәҭратә хаҭарнак Олег Барцыци ателехолдинг TELESUR апрезидент Патрисиа Виллегаси рнапы аҵарҩит ателехәаԥшреи аинформациатәи усеицура аусхк аҟны аинырразы Аиқәшаҳаҭра

Венесуелатәи амедиа-холдинги ушьҭарнахыс Аԥсны ӡырнагалоит

Предоставлено Олегом Барциц
Аԥсны
Икьаҿу ахьарԥш аиура
4 0 0

"Жәларбжьаратәи акультура-усутә центр" ахылаԥшратә хеилак ахантәаҩы Олег Барцыц иажәақәа рыла иареи ателехолдинг "TELESUR" апрезидент Патрисиа Виллегаси рнапы аҵарҩит ателехәаԥшреи аинформациатәи усеицура аусхк аҟны аинырразы аиқәшаҳаҭра. Аиқәшаҳаҭра Аԥсны 26 тәыла рмедиатә ҵакыра иаланархәуеит.

АҞӘА, хәажәкыра 9 – Sputnik, Бадраҟ Аҩӡба. "Жәларбжьаратәи акультура-усутә центр" ахылаԥшратә хеилак ахантәаҩы, Урыстәыла иҟоу Аԥсны ахәаахәҭратә хаҭарнак Олег Барцыци ателехолдинг "TELESUR" апрезидент Патрисиа Виллегаси рнапы аҵарҩит ателехәаԥшреи аинформациатәи усеицура аусхк аҟны аинырразы Аиқәшаҳаҭра.

Барцыц иажәақәа рыла аиқәшаҳаҭра анапаҵаҩра иалнаршоит Аԥсны аинтересқәа жәларбжьаратәи аренахь рцәыргара.

"Иуҳәар ауеит аиқәшаҳаҭра қәҿиароуп ҳәа. Иазгәаҭатәуп иара ишаԥхьанеиуаз аусура ду" — иҳәеит Барцыц.

"Иахьа аиқәшаҳаҭра знапы ҳацаҵазыҩуа амедиагигант "TELESUR" адунеи атәылақәа 26 рҟны аус шауа. Арахь иаҵанакуеит Латынтәи Америка, Аладатәи Америка, Карибтәи арегион, Испаниа, Африкатәи атәылақәак", ҳәа азгәеиҭеит Барцыц.

Аԥснытәи аган ахь ала аиқәшаҳаҭра операторс иазыҟоуп Аԥснытәи аҳәынҭтелерадиоеилахәыра.

"Аԥснытәи аҳәынҭтелерадиоеилахәыра хықәкны иамоуп Аԥсны аӡыргара алзыршо аматериалқәа разырхиара. Хымԥада Аԥсны ижәытәӡоу аҭоурыхи, акультуреи, аҵасқәеи, ақьабызқәеи иуникалу абызшәеи ауаа рацәа ирызнагатәуп, идырдыртәуп. Иара убасгьы иахьазы ҳажәлар иалырхыз амҩа атәы инарҭбааны еиҭаҳәалатәуп", — иҳәеит Барцыц.

Аиқәшаҳаҭра иалнаршоит Аԥсназы иахьа акрызҵазуаны иҟоу амедиатә ҵакыра ҭбаа аҽалархәра.

"Ари лҵшәа бзиоуп. Сгәы иаанагоит иаарласны Аԥсны аӡбахә раҳап, ирбап ҳәа атәылақәа жәпакы. Уи хәарҭоуп ԥхьаҟа урҭ атәылақәеи ҳареи ҳусеицуразы, ҳазхаҵаразы", иҳәоит ахәаахәҭратә хаҭарнак.

Олег Барцыц иазгәеиҭеит аиқәшаҳаҭра анапаҵаҩра ишаԥхьанеиуаз аусура ду. Иара ишалахәыз Аԥсны Адәныҟатәи аусқәа рминистрра, Венесуела иҟоу Аԥсны Ахаҭарнакра.

Аԥснытәи аделегациа Венесуела аҟазаараан анапы аҵаҩын иара убасгьы акультура аусхк аҟны аусеицуразы Аиқәшаҳаҭра.

Аԥснытәи аделегациа иалахәуп: Адәныҟатәи аусқәа рминистр Даур Ақаҩба, "Жәларбжьаратәи акультура-усутә центр" ахылаԥшратә хеилак ахантәаҩы, Урыстәыла иҟоу Аԥсны ахәаахәҭратә хаҭарнак Олег Барцыц, Аԥснытәи Аҳәынҭқарратә университет аректор Алеко Гәарамиа, Адәныҟатәи аусқәа рминистрра аусзуҩцәа Ҭенгьиз ҭарбеи Мадина Зыхәԥҳаи.

Ихадоу атемақәа