16:37 17 Нанҳәа 2017
Аҟәа+ 31°C
Ишиашоу ицо аефир
Аҟәатәи ашколқәа рҟны ашахматтә кружокқәа рылагалахоит

Аҟәатәи ашколқәа рҟны ашахматтә кружокқәа рылагалахоит

© Sputnik / Томас Тхайцук
Аԥсны
Икьаҿу ахьарԥш аиура
910

Аҟәатәи азеиԥшҵаратә школқәа рҟны аусура иалагеит ашахматтә кружокқәа. Ашколқәа зегьы иахәҭоу инвентарла еиқәыршәоуп.

Аурокқәа рымҩаԥысшьа аилкааразы Аҟәатәи ашколқәа дырҭааит ҳкорреспондент Рада Ажьиԥҳа.

Жәабран акы инаркны Аҟәатәи азеиԥшҵаратә школқәа рҟны русура хацдыркит ашахматтә кружокқәа. Акабинетқәа рҟны иҩнагылоуп иҷыдоу ашахматтә столқәа, иҟоуп алитература.

Иреиҳаӡоу акатегориа иаҵанакуа азыҟаҵаҩ Оҭар Хәырхәмал игәаанагарала ашахматқәа ахәыҷқәа шыхәыҷу ахәыцра рдырҵоит.

"Заа ашахмат асра аҵара ахәыҷқәа ирыцхраауеит рыҿиараҟны. Алагарҭатә курс мариоуп, аиҵбыратә классқәа рҵаҩцәа ирҵартә еиԥш ишьақәыргылоуп", — иҳәеит Хәырхәмал.

Аԥсны ашахматқәа Рфедерациа ахантәаҩ ихаҭыԥуаҩ Ҭемыр Зыхәба иажәақәа рыла ашахматтә кружокқәа шаадыртыҵәҟьаз уахь анеира зҭаххаз рацәаҩхеит ҳәа.

Ашахматтә кружокқәа аусура иалагеит Аҟәа ақалақь Ахадара апрограмма "Сара иалысхуа – агәабзиароуп" аҳәаақәа ирҭагӡаны.

Аҩбатәи ашкол аҵаҩы Асҭамыр Какалиа агәра игоит, ашахматқәа ауаҩы иматематикатә лшарақәа рырҭбаара иацхраауеит ҳәа.

  • Аҟәатәи ашколқәа рҟны ашахматтә кружокқәа рылагалахоит
    Аҟәатәи ашколқәа рҟны ашахматтә кружокқәа рылагалахоит
    © Sputnik / Томас Тхайцук
  • Аҟәатәи ашколқәа рҟны ашахматтә кружокқәа рылагалахоит
    Аҟәатәи ашколқәа рҟны ашахматтә кружокқәа рылагалахоит
    © Sputnik / Томас Тхайцук
  • Аҟәатәи ашколқәа рҟны ашахматтә кружокқәа рылагалахоит
    Аҟәатәи ашколқәа рҟны ашахматтә кружокқәа рылагалахоит
    © Sputnik / Томас Тхайцук
1 / 3
© Sputnik / Томас Тхайцук
Аҟәатәи ашколқәа рҟны ашахматтә кружокқәа рылагалахоит

"Аҩны сызцыхәмаруа дсымам. Ашахмат азы сҽазыҟаҵарақәа сҵараҿгьы исыцхраауеит. Еиҳа сҭышәынтәалеит. Уи сырҵаҩцәагьы иазгәарҭеит", — иҳәеит иара ихы далагәырӷьо.

Ихадоу атемақәа