01:41 14 Ԥхынҷкәын 2017
Ишиашоу ицо аефир
Афон Аԥсны ашьапылампыл азы Ахраҿа хада анашьахеит

"Афон" Аԥсны ашьапылампыл азы Ахраҿа хада анашьахеит

© Sputnik / Томас Тхайцук
Аԥсны
Икьаҿу ахьарԥш аиура
1101

Аԥсны ашьапылампыл азы Ахраҿа хада аразҟы еилкаахеит аамҭа-цҵа аан.

АҞӘА, хәажәкыра 20 — Sputnik, Роберт Џьопуа. Ашьапылампылтә команда "Афон" Аԥсны ашьапылампыл азы Ахраҿа хада анашьахеит аҳҭнықалақь акоманда "Нарҭи" иареи реицыхәмарраан. Аиԥылара актәи атаим аан аԥыжәара аман Аҟәатәи акоманда. "Нарҭ" ахәмарыҩ Арсен Гагуа ампыл амба иҭеиршәит. Актәи атаим 1:0 ҳәа ихыркәшахеит.

Астадион акәзар иқәыҩуаз агәырӷьабжь ала иугәаланаршәон ааигәа имҩаԥысуаз ConIFA ачемпионат ахәмаррақәа.

"Гәахәара дула ахәмарра сахәаԥшуеит. Адунеи ачемпионатгьы аасгәалашәоит", — иҳәеит Sputnik акорреспондент дзыҿцәажәаз ахәаԥшҩы Артур Баӷба.

Аҩбатәи атаим ахәбатәи аминуҭ азы Армен Капикиан пенальти ала ампыл ҭеиршәит.

Аамҭа хада иҭагӡаны акомандақәа еиҭаханы ишыҟаз иаанхеит: 1:1 ҳәа.

Аамҭа-цҵа аан акәзаргьы ахәаԥшцәа аинтерес кны иахәаԥшуан ахәмарра. Аамҭа-цҵа ахыркәшахара минуҭк шагыз Афонтәи ахәмарыҩ Максим Петров ампыл амба иҭеиршәит. Ахәмарра хыркәшахеит 2:1 ҳәа.

Ихадоу атемақәа