14:49 23 Жьҭаара 2017
Аҟәа+ 18°C
Ишиашоу ицо аефир
Гагра

Ахба: Аԥсназы туроператор хаданы иҟоу Урыстәыла ауп

© Sputnik. Александр Вильф
Аԥсны
Икьаҿу ахьарԥш аиура
7 0 0

Аԥсны иаарласны иаиуеит алшара Урыстәылеиԥш ИАР атәылақәа, Китаи, Израиль уҳәа рҟынтәи атуристцәа аднакылартә еиԥш, иҳәеит апресс-конференциаҟны Аԥсны Акурортқәеи атуризми рзы аминистр ихаҭыԥуаҩ Асҭамыр Ахба.

АҞӘА, хәажәкыра 20 — Sputnik, Бадри Есиава. Аԥсны иаарласны иаиуеит алшара Урыстәылеиԥш ИАР атәылақәа, Китаи, Израиль уҳәа рҟынтәи атуристцәа аднакылартә еиԥш иҳәеит апресс-конференциаҟны Аԥсны Акурортқәеи атуризми рзы аминистр ихаҭыԥуаҩ Асҭамыр Ахба. Иара убри аан туроператор хаданы Аԥсназы иҟоу Урыстәылоуп иҳәеит иара.

"Ус шакәугьы ихадоу туроператорны иаанхо Урыстәыла ауп. 99 % атуристцәа уахьынтәи ауп иахьаҳзаауа", — иҳәеит Ахба.

Аминистр ихаҭыԥуаҩ иара убасгьы еиҭеиҳәеит ааигәа Москва имҩаԥысыз MITT ацәыргақәҵаҟны Аԥсны аинтерес шыркыз беларуссиаагьы. Дара рзы ихадараны ишьоу иманшәалоу алогистика ауп иҳәеит иара.

Иара убасгьы Аԥсны ирзыԥшуп ИАР атәылақәеи Китаии рҟынтәи атуристцәа раара, иагьазыхиоуп урҭ рыдкылара.

Аԥсны Акурортқәеи атуризми рзы аминистр ихаҭыԥуаҩ Асҭамыр Ахба Sputnik Аԥсны иеиҭаз арадиоинтервиу шәазыӡырҩыр ҟалоит абра

Ахба иажәақәа рыла аминистрреи аотелиерцәа Ргильдиеи еицымҩаԥыргараны иҟоуп 2017 шықәса мшаԥымзазы Израильтәи атуристтә еилахәырақәа рхаҭарнакцәа рзы апресс-тур.

Ихадоу атемақәа