Ҳаџьымба: аԥсҭазааратә ҵакы змаз азҵаарақәа жәпакы ҳрылацәажәеит

© Sputnik / Томас ТхайцукАԥсны Ахада Рауль Ҳаџьымба
Аԥсны Ахада Рауль Ҳаџьымба - Sputnik Аҧсны
Анапаҵаҩра
Аԥсны усутә визитла дааны дыҟоуп Урыстәылатәи Афедерациа Адәныҟатәи аусқәа рминистр Сергеи Лавров.

АҞӘА, мшаԥымза 19 — Sputnik, Бадраҟ Аҩӡба. Аԥсны усутә визитла иааны иҟоу Урыстәылатәи Афедерациа Адәныҟатәи аусқәа рминистр Сергеи Лаврови Аԥсны Ахада Рауль Ҳаџьымбеи реиԥылара мҩаԥысит. Аиԥылара далацәажәо Аԥсны Ахада Рауль Ҳаџьымба иҳәеит, ареспубликазы хра зманы иҟоу азҵаарақәа жәпакы ишрылацәажәаз.

Урыстәылатәи Афедерациа Адәныҟатәи аусқәа рминистр Сергеи Лаврови Аԥсны Ахада Рауль Ҳаџьымбеи реиԥылара мҩаԥысуеит - Sputnik Аҧсны
Сергеи Лаврови Аԥсны Ахада Рауль Ҳаџьымбеи реиԥылара мҩаԥысит

"Ҳара ҳалацәажәеит атәылауаҩра аиура армариара азҵаара, аҳәаа ахысра иадҳәалоу азҵаара, аинвестициатә программа азҵаара", — иҳәеит Ҳаџьымба.

Сергеи Лавров аԥсуа ган ҭабуп ҳәа реиҳәеит изыҟаҵаз аԥылара ҟәандазы.

"Ҳара ишьақәҳарӷәӷәеит ҳаиҩызареи ҳастратегиатә еилахәыреи еиуеиԥшым аусхкқәа рҟны рхырхарҭақәа", — иҳәеит Лавров.

Аиԥылараан аекономикатә усеицура азҵаарақәагьы инарҭбааны ирылацәажәан.

Иара убасгьы дазааҭгылеит Женеватәи аилацәажәарақәа рҳәаақәа ирҭагӡаны амчра ахамырхәаразы аиқәшаҳаҭра хымԥада анапаҵаҩра ахәҭаны ишыҟоу.

Мшаԥымза 18 рзы Сергеи Лавров ихы алаирхәит Урыстәылатәи Афедерациа Ацҳаражәҳәарҭа ахыбрақәа ркомплекс официалла аартра.

Ажәабжьқәа зегьы
0