06:27 30 Лаҵара 2017
Аҟәа+ 17°C
Ишиашоу ицо аефир
Аԥсны Ахада Рауль Ҳаџьымба

Ҳаџьымба: Аҟәеи Цхинвали реизыҟазаашьақәа дырӷәӷәалоит

© Sputnik / Томас Тхайцук
Аԥсны
Икьаҿу ахьарԥш аиура
7 0 0

Аԥсны Ахада Рауль Ҳаџьымба Sputnik аинтервиу аҭо далацәажәеит Аахыҵ Уаԥстәыла Ахада ҿыц иалхра инамаданы Аҟәеи Цхинвали русеицушьа атәы.

АҞӘА, мшаԥымза 21 — Sputnik. Аахыҵ Уаԥстәыла Ахада ҿыц иалхра инамаданы Аҟәеи Цхинвали русеицушьа еиҳагьы аԥыжәарақәа аманы имҩаԥыслап ҳәа дышгәыӷуа атәы иҳәеит Аԥсны Ахада Рауль Ҳаџьымба Sputnik аинтервиу анеиҭоз.

"Ҳара ҳажәларқәа иуадаҩыз амҩа ианысит ахьыԥшымреи ахақәиҭреи роурц азы. Шәышықәсала ҳара ҳлахьынҵа ҳаиднаҳәалоит, доуҳала ҳаизааигәоуп, еизааигәоуп ҳкультура, ҳҵас, ҳқьабз. Агәрагара сымоуп ареспублика ахада ҿыц даналырх ашьҭахьгьы Аԥсныи Аахыҵ Уаԥстәылеи реизыҟазаашьақәа еиҳа-еиҳа идмырӷәӷәозар, еиҵахарым ҳәа", — иҳәеит Рауль Ҳаџьымба.

Рауль Ҳаџьымба иазгәеиҭеит Аахыҵ Уаԥстәыла ажәлар ԥхьаҟатәи рԥеиԥш Анатоли Бибилов ихьӡ ишадырҳәало.

"Алхрақәа рҟны Бибилов иигаз аиааира уи иаҿырԥшуп", — иҳәоит иара.

Рауль Ҳаџьымба Анатоли Бибилов изеиӷьеишьеит агәабзиара, агәамч, ижәлар рымаҵ аураҿы аманшәалареи ақәҿиареи.

Ихадоу атемақәа