Рауль Ҳаџьымба аибашьра Дуӡӡа аветеранцәа аорден "Ахьӡ-аԥша" ранеишьеит

© Sputnik Бадрак АвидзбаРауль Ҳаџьымба аибашьра Дуӡӡа аветеранцәа аорден "Ахьӡ-аԥша" ранеишьеит
Рауль Ҳаџьымба аибашьра Дуӡӡа аветеранцәа аорден Ахьӡ-аԥша ранеишьеит - Sputnik Аҧсны
Анапаҵаҩра
Алықьса Шьониа, Илиа Ачба, Лавренти Бераӡе Sputnik Аԥсны апроект "Аиааира ахаҿқәа" иалахәын.

АҞӘА, лаҵарамза 6– Sputnik, Бадраҟ Аҩӡба. Аԥсны Ахада Рауль Ҳаџьымба аорден "Ахьӡ-аԥша" III ранеишьеит Аџьынџьтәылатә еибашьра Дуӡӡа аветеранцәа, Sputnik Аԥсны апроект "Аиааира ахаҿқәа" иалахәыз Алықьса Шьониа, Илиа Ачба, Лавренти Бераӡе.

"Сара шәбара агәахәара дуӡӡа снаҭоит. Ишәыдысныҳәалоит иааиуа аныҳәа ду – Аиааира амш", — иҳәеит атәыла Ахада Рауль Ҳаџьымба.

Аџьынџьтәылатә еибашьра Дуӡӡа алахәылацәа рфырхаҵара ҿырԥшыганы ирзыҟан Аԥсны жәлар Рџьынџьтәылатә еибашьра алахәылацәагьы.

© Sputnik Бадрак АвидзбаХаджимба наградил орденами "Ахьдз-Апша" ветеранов Великой Отечественной
Хаджимба наградил орденами Ахьдз-Апша ветеранов Великой Отечественной - Sputnik Аҧсны
Хаджимба наградил орденами "Ахьдз-Апша" ветеранов Великой Отечественной

"Сара сазыгәдууп хаҭала шәахьыздыруа. Сара ибзианы издыруеит аибашьраантәи шәылшарақәа, сара ибзианы издыруеит аибашьра ашьҭахьтәи иҿырԥшыгоу шәыԥсҭазаарагьы", — иҳәеит Ҳаџьымба.

Аибашьра аветеранцәа ракәзар, атәыла Ахада ҭабуп ҳәа иарҳәеит ирзыҟаиҵаз агәцаракразы.

"Шәареи ҳареи ҳаиԥылара агәахәа ду ҳнаҭоит. Ҭабуп ҳәа шәаҳҳәоит ҳахьгәыгәҭашәмыжьуа", — иҳәеит аветеран Илиа Ачба.

Алықьса Шьониа 24-тәи агвардиатә дивизиа далахәны 1942 шықәса рзы рхы иақәиҭитәуан Донбасс, Ҟрым, Керч, Ростов. 1946 — 1992 шықәсқәа рзы Алықьса Шьониа Тҟәарчал, ашахтақәа рҟны аус иуан. Иахьа Аџьынџьтәылатә еибашьра дуӡӡа аветеранцәа Аԥснытәи рхеилак напхгара аиҭоит.

© Sputnik Бадрак АвидзбаХаджимба наградил орденами "Ахьдз-Апша" ветеранов Великой Отечественной
Хаджимба наградил орденами Ахьдз-Апша ветеранов Великой Отечественной - Sputnik Аҧсны
Хаджимба наградил орденами "Ахьдз-Апша" ветеранов Великой Отечественной

Илиа Ачба 3-тәи Украинатәи афронт далахәны Румыниа, Болгариа, Чехословакиа, Иугославиа, Венгриа рхы иақәиҭитәуан. Ианашьоуп Аџьынџьтәылатә еибашьра аорден I, II аҩаӡарақәа, Аеҵәа Ҟаԥшь аорден, амедал "Агәымшәараз".

Лавренти Бераӡе ианашьоуп амедалқәа: "Краснодар ахақәиҭтәразы", "Асовет-Ҭырқәтәылатәи аҳәаа ахьчаразы". Лавренти Бераӡе Аџьынџьтәылатә еибашьра аветеранцәа галтәи рраионтә еиҿкаара ахантәҩыс дыҟоуп.

Ажәабжьқәа зегьы
0