Ансамбль "Аԥхьарца" Шәача ақалақь аҿы Гран-при анашьахеит

© Sputnik / Томас ТхайцукАнсамбль "Аԥхьарца" Шәача ақалақь аҿы Гран-при анашьахеит
Ансамбль Аԥхьарца Шәача ақалақь аҿы Гран-при анашьахеит - Sputnik Аҧсны
Анапаҵаҩра
Ансамбль "Аԥхьарца" VI жәларбжьаратәи афестиваль-конкурс "Аҟазара адунеи еиднакылоит" иалахәын. Иара мҩаԥысуан Шәача, лаҵарамза 3 -9 рзы.

АҞӘА, лаҵарамза 10 — Sputnik, Амра Амҷԥҳа. Ансамбль "Аԥхьарца" Шәача ақалақь аҿы имҩаԥысуаз VI жәларбжьаратәи афестиваль-конкурс "Аҟазара адунеи еиднакылоит" аҟны Гран-при анашьахеит. Абри атәы ҳзааицҳаит ансамбль анапхгаҩы Даур Ԥарулуа.

Иара иажәақәа рыла афестиваль иалахәын Нхыҵ Кавказ ақалақьқәа рҟынтәи, Волгодонск, Белгород рҟынтәи ансамбльқәа.

"Аԥснытәи "Абаза" актәи аҭыԥ ааннакылеит. Ажиури реилазаара иалан Урыстәылатәи Афедерациа зҽаԥсазтәыз артистцәа, апрофессорцәа. Урҭ ҳара ҳансамбль алахәылацәа рыхә ҳаракны иршьеит", — иҳәеит Ԥарулуа.

Ансамбль "Аԥхьарца" уажәы ҩынтәуп гран-при ранашьахоижьҭеи.

Ансамбль "Аԥхьарца" иазыԥхьагәанаҭоит Гагреи Гәдоуҭеи ақалақьқәа рҟны афольклортә фестивальқәа рылахәхара.

"Уԥсадгьыл аҟны ақәгылара еснагь иҷыдоу аҭакԥхықәра ацуп, угхақәагьы иаразнакы иуҵырбаауеит", — иҳәоит иара.

Ансамбль "Аԥхьарца" арепертуар иалоуп аԥсуа жәлар рмелодиақәа, акәашаратә мелодиақәа.

Ахәыҷтәы ансамбль "Аԥхьарца" Шәачатәи афестиваль аҟны иқәгылан лаҵарамза 8 рзы, Аӡынтәи атеатр ахыбраҿы.

Ажәабжьқәа зегьы
0