АҞӘА, лаҵарамза 12 – Sputnik, Бадраҟ Аҩӡба. Аԥсны ахада Рауль Ҳаџьымба Баграт Шьынқәба ибаҟа аҿаԥхьа ашәҭшьыҵәрақәа шьҭеиҵеит ахәаша, лаҵарамза 12 рзы.
Абаҟа ашҟа иааиит ашәҟәыҩҩцәа, атәыла аинтеллигенциа, ауаажәларра, апоет игәакьацәа.
"Д.И.Гәлиа ихьӡ зху аҳәынҭқарратә премиа занашьоу Ҟабарда-Балкариеи Адыга тәылеи жәлар рышәҟәыҩҩы, “Ахьӡ-Аҧша” аорден актәи аҩаӡара акавалер, Аҧснытәи Аҭҵаарадырратә Академиа академик Баграт Уасил-иҧа Шьынқәба диижьҭеи иахьа 100-шықәса ҵит. Есышықәса ашәҟәыҩҩы ибаҟахьы абри амш аҽны ашәҭшьыҵәрақәа шьҭарҵарц, дыргәаладыршәарц иааиуеит ашәҟәыҩҩцәа, атәыла аинтеллигенциа, ауаажәларра, ашколхәыҷқәа. Иахьатәи аныҳәа уаанӡатәиқәа ирылукаартә иҟоуп. Арыцхә иубилеитә рыцхәуп", — иҳәеит Аԥсны ашәҟәыҩҩцәа Реидгыла ахантәаҩы Вахтанг Аԥҳазоу.
Аԥсуа драматә театр ахыбраҿы имҩаԥысраны иҟоуп аиубилеитә хәылԥазы.
Апоет, апрозаик, ауаажәларратә усзуҩ, Д.И.Гәлиа ихьӡ зху аҳәынҭқарратә премиа занашьоу Ҟабарда-Балкариеи Адыга тәылеи жәлар рышәҟәыҩҩы, “Ахьӡ-Аҧша” аорден актәи аҩаӡара акавалер, Аҧснытәи Аҭҵаарадырратә
Академиа академик Баграт Уасил-иҧа Шьынқәба иԥсҭазаара далҵит 2004 шықәса рзы.
