АҞӘА, лаҵарамза 19 – Sputnik. Атанкқәа Т-72Б3 урыстәылатәи рекипажи ПТУР "Штурм-С" аоператорцәеи атренажиорқәа рҟны авиртуалтә ҽазыҟаҵара иахысит, 150 рҟынӡа атеррорҿагыларатә уснагӡатәқәа мҩаԥыргеит. Абри атәы аанацҳауеит Аладатәи арратә округ апресс-маҵзура.
Аӡынтәи аҽазыҟаҵарақәа 200-ҩык рҟынӡа аруаа алахәын. Атренажиорқәа аибашьраҵәҟьа аҭагылазаашьа аадырԥшуеит.
Аруаа иааидкыланы 150 рҟынӡа атеррорҿагыларатә уснагӡатәқәа мҩаԥыргеит.
Аруаа азыҟаҵарақәа мҩаԥыргон арратә қалақьқәеи иара убас аполигонқәа
"Гәдоуҭа", "Ҵабал", "Нагвалоу" рҟны.
Аконтртеррористтә ҟәшақәа арратә қалақьқәеи, аскладқәеи, арратә техника апаркқәеи егьырҭ арратә обиектқәеи «рықәлара» ааныркылон, иара убасгьы амедицинатә цхыраара амҩаԥгашьа рҵон. Антитеррор агәыԥ асапиорцәа анџьныртә ԥшыхәра мҩаԥыргон ҳәа арбоуп Арратә округ апресс-маҵзураҿы.
Ахархәара рыҭан акәылӡы транспортерқәа БТР-82АМ, акәылӡтәы автомобилқәа КамАЗ-5350 "Мустанг".
