Аԥснытәи аспортсмен Баграт Ԥандариа араӡны медал даԥсахеит

© Фото предоставлено Тимуром ДжопуаБаграт Ԥандариа араӡны медал даԥсахеит
Баграт Ԥандариа араӡны медал даԥсахеит - Sputnik Аҧсны
Анапаҵаҩра
Зых иақәиҭуи абырзен-римтәи ақәԥареи рзы ашколхәыҷқәа рыбжьара аицлабра мҩаԥысуан Белград (Сербиа), лаҵарамза 19 - 21 рзы.

АҞӘА, лаҵарамза 22 — Sputnik, Амра Амҷԥҳа. Баграт Ԥандариа зых иақәиҭуи абырзен-римтәи ақәԥареи рзы ашколхәыҷқәа рыбжьара Белград (Сербиа), лаҵарамза 19 — 21 рзы имҩаԥысуаз аицлабраҿ араӡны медал ианашьахеит.

Абри атәы Sputnik акорреспондент илзеиҭеиҳәеит аспортсмен иазыҟаҵаҩ Ҭемыр Џьопуа.

Баграт Ԥандариа иааидкыланы хәынтә ақәԥара мҩаԥигеит. Иара даҵанакуан 59 кьыла зыкапан наӡоз аспортсменцәа ргәыԥ. Азыҟаҵаҩ иажәақәа рыла Латвиа, Беларусиа, Ҭырқәтәыла, Азербаиџьан рҟынтәи аспортсменцәа дыриааиит.

"Афинал аҟны еиқәшәеит командак еицатәыз. Баграт даҵахеит аха араӡны медалгьы ахә дууп. Иазыҟаҵаҩ игәы наӡоит", — иҳәоит Џьопуа.

Ақәгыларақәа реихьшаала ала Урыстәыла актәи аҭыԥ ааннакылоит.

Аспортзал "Aleksandar Nikolic" аҟны, Белград, (Сербия) лаҵарамза 19 — 21 рзы имҩаԥысуан Европа аԥхьахә зго ҳәа аицлабрақәа зых иақәиҭуи абырзен-римтәи аиқәԥаразы.

Ажәабжьқәа зегьы
0