17:32 18 Нанҳәа 2017
Аҟәа+ 30°C
Ишиашоу ицо аефир
Аԥсны ашьапылампыл азы акоманда афиналбжахь инеиит

Аԥсны ашьапылампыл азы акоманда афиналбжахь инеиит

© Sputnik. Алхас Манаргия
Аԥсны
Икьаҿу ахьарԥш аиура
Ашьапылампыл азы ConIFA 2017 Европа ачемпионат (15)
2521

Аԥснытәи акоманда ашьапылампыл азы Европа ачемпионат ConIFA 2017 аҟны Аҩадатәи Кипр акоманда иацыхәмаруан.

АҞӘА, рашәарамза 8 — Sputnik, Роберт Џьопуа. Аԥсны еизгоу амилаҭтә команда рыцыхәмарит ачемпионат аԥшәмацәа – Аҩадатәи Кипр ахәмарыҩцәа. Ахәмарра хыркәшахеит 0:0 ҳәа. Уажәы Аԥснытәи акоманда Паданиатәи акоманда иацыхәмарраны иҟоуп ҳәа радио Sputnik иазааицҳаит Алхас Манаргьиа.

"Аԥснытәи акомандеи Аҩадатәи Кипр акомандеи реицыхәмарра 0:0 ҳәа ихыркәшахеит. Уи иалнаршеит ҳкоманда афиналбжахь анеира. Афиналбжаҿы Аԥсныи Паданиеи ркомандақәа еицыхәмаруеит", — иҳәеит Манаргьиа.

Ашьапылампыл азы аексперт Вианор Ҭыжәба иажәақәа рыла Аԥсныи Паданиеи ркомандақәа 2014 шықәса рзы Швеицариа имҩаԥысыз адунеи Ачемпионат аҟны еиԥылахьан. Усҟан ахәмарра 3:3 ҳәа ихыркәшахеит.

А́зҵаара

Ишԥақәгыло Аԥснытәи акоманда ашьапылампыл азы ConIFA 2017 Европа ачемпионат аҟны
  • Аиааира ргоит
    50% (1)
  • Аԥхьахәтә ҭыԥқәа рыуак ргоит
    0% (0)
  • Афинал ахь инеиуеит
    50% (1)
  • Афинал бжахь инеиуеит
    0% (0)
  • Агәыԥ иалҵуам
    0% (0)
Егьырҭ а́зҵаарақәа: 2

ConIFA анапхгарала имҩаԥысуа Европа ачемпионат афиналбжа рашәарамза 9 рзы имҩаԥгахоит.

Ашьапылампыл азы ConIFA аверсиала ачемпионат иалагеит рашәарамза 4 рзы, ихыркәшахоит рашәарамза 10 рзы финалтә хәмаррала. Аԥсны еизгоу акоманда аҵәҭаԥсарала агәыԥ "А" аҟны ихәмаруеит. Аԥснытәи акоманда ачемпионат аԥшәмацәа, Аҩадатәи Кипр ахәмарцәа ирыцықәгылоит.

Абри агәыԥ ахь иақәшәеит Аахыҵ Уаԥстәылеи Карпаталиеи ркомандақәагьы. Атурнир иалахәуп аа-командак. Агәыԥ "В" ахь иаҵанакит: Паданиа, Секеитәи атәылаҿацә, Ницца, адгьылбжьахақәа Мен ркомандақәа. Ашьапылампыл азы ConIFA аверсиала ачемпионат иалагеит рашәарамза 4 рзы, ихыркәшахоит рашәарамза 10 рзы финалтә хәмаррала.

Атемақәа:
Ашьапылампыл азы ConIFA 2017 Европа ачемпионат (15)

Ихадоу атемақәа