09:08 14 Ԥхынҷкәын 2017
Ишиашоу ицо аефир
Аԥсны Агәабзиарахьчара аминистрреи Башкырҭысҭантәи амедицинатә университети аиқәшаҳаҭра рнапы аҵарҩит

Аԥсны Агәабзиарахьчара аминистрраҟны аиқәшаҳаҭра рнапы аҵарҩит

© Sputnik / Томас Тхайцук
Аԥсны
Икьаҿу ахьарԥш аиура
8 0 0

Аԥшьаша, рашәара ааба рзы Агәабзиарахьчара аминистрраҟны анапы зҵаҩу адокумент иахырхарҭа хаданы иҟоу ахәышәтәра аметод ҿыцқәа ралагалареи аҟазауаа разыҟаҵареи роуп.

АҞӘА, рашәара 8 — Sputnik, Владимир Бегунов. Аԥсны Агәабзиарахьчара аминистрреи Башкырҭысҭантәи амедицинатә университети аиқәшаҳаҭра рнапы аҵарҩит аԥшьаша, рашәара ааба рзы Агәабзиарахьчара аминистрраҟны. Анапы зҵаҩу адокумент иахырхарҭа хаданы иҟоу ахәышәтәра аметод ҿыцқәа ралагалареи аҟазауаа разыҟаҵареи роуп. Аиусеицуразы аиқәшаҳаҭра рнапы аҵарҩит Аԥсны Агәабзиарахьчара аминистр Ҭамаз Ҵахнакьиеи Башкырҭысҭантәи аҳәынҭқарратә медицинатә университет аректор Валентин Павлови.

"Башкырҭысҭантәи аҳәынҭқарратә уневирситет есышықәса Аԥсны азы акадрқәа азыҟанаҵоит. Уажәы ҳара ҳнапы аҵааҩуеит иара абазаҿ Аԥсны ахәышәтәырҭатә усҳәарҭақәа рзы акадырқәа разыҟаҵара", — иҳәеит Ҵахнакьиа.

Валентин Павлов иазгәеиҭеит Ареспубликатә хәышәтәырҭа ҳаамҭа иақәшәо ишеибыҭо.

"Амедицина есҽны ԥхьаҟа ицоит, аҿыцрақәа цәырҵуеит. Ҳаргьы уи ҳахьӡароуп. Ҳара акыр иџьаҳшьеит Ареспубликатә хәышәтәырҭа аиҿкаашьа", — иҳәеит иара.

Ахәаша, рашәара 9 рзы Павлов имҩаԥигараны дыҟоуп аԥснытәи иколлегацәа рзы амастер-класс аоперациақәа рганахь ала.

Валентин Павлов — Башкырҭысҭантәи аҳәынҭқарратә медицинатә университет аректор, амедицинатә наукақәа рдоктор, ахирург, ауролог, Ареспублика Башкырҭысҭан зҽаԥсазтәыз аҳақьым.

Ихадоу атемақәа