00:50 20 Жьҭаара 2017
Аҟәа+ 12°C
Ишиашоу ицо аефир
ConIFA амаӡаныҟәгаҩ хада Саша Биркоф

ConIFA амаӡаныҟәгаҩ хада: саԥсыуаны схы збоит

© Фото: Алхас Манаргия
Аԥсны
Икьаҿу ахьарԥш аиура
Ашьапылампыл азы ConIFA 2017 Европа ачемпионат (15)
701

Аԥсныи Паданиеи еизгоу ршьапылампылтә командақәа еицыхәмаруеит афиналбжаҿы, ахәаша, рашәара 9 асааҭ 20:00 рзы.

АҞӘА, рашәарамза 9 — Sputnik, Амра Амҷԥҳа. ConIFA амаӡаныҟәгаҩ хада Саша Биркоф аҳәамҭа ҟаиҵеит даԥсыуаны ихы шибо ала. Абри атәы иара изеиҭеиҳәеит аинтервиу имызхуаз Sputnik Аԥсны арадио амҩаԥгаҩ Алхас Манаргьиа. Биркоф Аԥсны дыҟан ConIFA 2016 адунеитә чемпионат амҩаԥгараан.

"Аԥсны гәхьаазгоит. Исҭахуп ҩаԥхьа уахь схынҳәырц", — иҳәеит иара.

"Сара Аԥсны ачемпионат анымҩаԥысуаз иаразнакы иснырит ауаа рыԥхарра. Исҭахуп урҭ сцәаныррақәа ҩаԥхьа иснырырц", — иҳәеит иара.

ConIFA амаӡаныҟәгаҩ хада Саша Биркоф иазгәеиҭеит Аԥсны имҩаԥысыз ачемпионати уажә Аҩадатәи Кипр имҩаԥысуа ачемпионати шузеидымкыло. Аԥснытәи ачемпионат еиҳа аҭбаара, амҽхак шамаз. Ара ахҭысқәа рыӡбахә рҳәоит 35-ҩык ажурналистцәа ЕАШ, Британиа, Германиа, Франциа, Словакиа, Аԥсны, Аҩадатәи Кипр рҟынтәи.

Аԥсныи Паданиеи реиндаҭлара интернетла ауаа идырбахома ҳәа Биркоф ирҭаз азҵаара аҭак изыҟамҵеит, уи аиҿкааҩцәа роуп изыӡбо иҳәеит.

Иара убри амш аҽны иҟоуп аҽа хәмарракгьы – Аҩадатәи Кипри Секеитәи атәылаҿацәи ркомандақәа рыбжьара.

Ашьапылампыл азы ConIFA аверсиала ачемпионат иалагеит рашәара 4 рзы, ихыркәшахоит рашәара 10 рзы финалтә хәмаррала. Аԥсны еизгоу акоманда аҵәҭаԥсарала агәыԥ "А" аҟны ихәмаруеит. Аԥснытәи акоманда ачемпионат аԥшәмацәа, Аҩадатәи Кипр ахәмарыҩцәа ирыцықәгылоит.

Абри агәыԥ ахь иақәшәеит Аахыҵ Уаԥстәылеи Карпаталиеи ркомандақәагьы. Атурнир иалахәуп аа-командак. Агәыԥ "В" ахь иаҵанакит: Паданиа, Секеитәи атәылаҿацә, Ницца, адгьылбжьахақәа Мен ркомандақәа. Ашьапылампыл азы ConIFA аверсиала ачемпионат иалагеит рашәарамза 4 рзы, ихыркәшахоит рашәарамза 10 рзы финалтә хәмаррала.

Атемақәа:
Ашьапылампыл азы ConIFA 2017 Европа ачемпионат (15)

Ихадоу атемақәа