17:31 18 Нанҳәа 2017
Аҟәа+ 30°C
Ишиашоу ицо аефир
Аԥсны ахраҿазы ашьапылампылтә хәмаррақәа ирылагоит рашәара 13 рзы Гәдоуҭа

Аԥсны ахраҿазы ашьапылампылтә хәмаррақәа ирылагоит рашәара 13 рзы Гәдоуҭа

© Sputnik. Владимир Песня
Аԥсны
Икьаҿу ахьарԥш аиура
410

Аԥсны ахраҿазы ашьапылампылтә хәмаррақәа мҩаԥысуеит рашәара 13 инаркны жьҭаара 12-нӡа, ашьапылампылтә командақәа ҩ-гәыԥкны еихшоуп.

АҞӘА, рашәарамза 13– Sputnik, Бадраҟ Аҩӡба. Гәдоуҭатәи "Риҵеи" Афон ҿыцтәи "Афони" рашәарамза 13 рзы Гәдоуҭа асааҭ 18 рзы еиԥылоит. Дара иаадыртуеит Гәдоуҭа ихацыркхо ахәмаррақәа ҳәа Sputnik акорреспондент изааицҳауеит Аԥсны ашьапылампылтә лига адиректор Витали Федоренко.

"Сынтәа Аԥсны ашьапылампыл азы Афедерациа аизараҟны ирыӡбеит акомандақәа ҵәҭаԥсарыла ҩ-гәыԥкны еихыршарц. Агәыԥ "А", "Б" хәба-хәба команда рыла ишьақәгылоит", — иҳәеит иара.

Агәыԥқәа реицыхәмарраан актәи аҩбатәи аҭыԥқәа аанызкылаз дара-дара еиқәшәоит, еицыхәмаруеит. Абарҭ аматчқәа рҟны иалкаахоит атурнир афиналистцәа.

Агәыԥқәа рыҩба рҟынтәи иалҵуа акомандақәа ҩба ҩба-ҩба хәмарра еицымҩаԥыргоит. Урҭ ахәмаррақәа реихшьаалақәа рыла ишьақәыргылахоит афинал алахәылацәеи ахԥатәи аҭыԥ азы еисоу акомандақәеи.

Агәыԥқәа рҟны ахәмаррақәа хырқәшахоит рашәара 14 рзы. Афиналбжа ахәмаррақәа мҩаԥысуеит жьҭаара 2 — 3 рзы. Ахраҿаз аицлабра хада мҩаԥысуеит жьҭаара 12 рзы.

Ихадоу атемақәа