17:37 18 Нанҳәа 2017
Аҟәа+ 30°C
Ишиашоу ицо аефир
Ашәахтәқәеи аизгақәеи рминистрра асаит

Ашәахтәқәеи аизгақәеи рминистрра асаит аҟны ауал зқәу рыхьӡқәа цәыргахоит

Аԥсны
Икьаҿу ахьарԥш аиура
8 0 0

Ашәахтәқәеи аизгақәеи рминистрра изаамҭанытәиу аколлегиаҿ иӡырган асаит. Асаит ианыԥшуеит аминистрра аусура ныҭкааны.

АҞӘА, рашәарамза 14 — Sputnik, Амра Амҷԥҳа. Ашәахтәқәеи аизгақәеи рминистрра аофициалтә саит аҟны ауал зқәу рыхьӡқәа цәыргахоит, ҳәа Sputnik акорреспондент илзеиҭеиҳәеит аминистрра аинспектор Георги Габуниа.

"Ҳара ицәыраагаша аинформациа ҳамоуп. Дарбанызаалак аинтернет ахархәаҩ илшоит асаит аҟны ауалшәаҩ изку аинформациа аиура. Ауаҩы ихьӡ-ижәла анаурбалак ицәырҵуеит иара изы адыррақәа", — иҳәеит иара.

Георги Габуниа иажәақәа рыла араҟа дызлацәажәо аиурист хаҿқәеи ахатә хаҿқәеи роуп.

"Дарбанызаалак атәылауаҩ дуалшәаҩуп. Аулафахәы зауа иулафахәы аҟынтәи иқәныркылоит еиуеиԥшым ашәахтәқәа. Аха асаит ианыԥшуа урҭ ракәым. Урҭ рганахь ала аҭакԥхықәра зқәу дара аулафахәы рызҭо аусбарҭақәа ма аиҿкаарақәа роуп", — иҳәеит иара.

Асаит аҟны иубарҭоуп араионтә инспекторцәа рҭыӡҭыԥқәа. Иара убасгьы иазырхиоуп лассы-лассы ирҭиуа азҵаарақәа рзы аҟәша.

Аминистрра аусзуҩ иҳәеит ауаа еиуеиԥшым азакәанқәа, аԥҟарақәа ишразҵаауа. Аминистрра асаит аҿы иҟоуп аидҳәалара хьарԥш аформагьы.

Атәылауаа ирҭиуа азҵаарақәа рҭакқәа ишалшо ала иҭырҭәааны рҭак рырҭоит мышқәак рыла. Асаит аус адулара мҩаԥысуан 2017 шықәса хәажәкырамза аахыс.

Иара "Аҳәынҭқарратә бызшәазы" азакәан инақәыршәаны ҩ-бызшәак, аԥсшәеи аурысшәеи рыла еиҿкаауп.

Ихадоу атемақәа