00:50 20 Жьҭаара 2017
Аҟәа+ 12°C
Ишиашоу ицо аефир
Риҵатәи ареликттә милаҭтә парк

Атуристтә обиектқәа иазгәарҭоит аҭааҩцәа шмаҷу

© Sputnik. Владимир Бегунов
Аԥсны
Икьаҿу ахьарԥш аиура
3 0 0

Риҵатәи ареликттә милаҭтә парк аиҳабы Рита Лолуаԥҳаи Афон ҿыцтәи аҳаԥы адиректор Мирон Чалмази Sputnik иазеиҭерҳәеит аԥхынтәи асезон алагашьа атәы.

АҞӘА, рашәара 14 – Sputnik, Бадраҟ Аҩӡба. Риҵатәи ареликттә милаҭтә парк аиҳабы Рита Лолуаԥҳа иазгәалҭеит, уаанӡатәи ашықәсқәа ирҿырԥшны уахәаԥшуазар сынтәа апарк иаҭаауа рхыԥхьаӡара акыр ишеиҵоу.

"Рашәара 13 иаҿырԥшны ҵыԥх аасҭа сынтәа апарк иаҭааз атуристцәа рхыԥхьаӡара 38% рыла еиҵоуп. Ҵыԥх абри аамҭазы 74 нызқьҩык апарк иаҭаахьазҭгьы, сынтәа 54 нызқьҩык роуп иаҭаахьоу", — лҳәеит лара.

Асеиԥш аҭагылазаашьа зыхҟьаз ҳәа апарк анапхгара иршьо аҳауатә ҭагылазаашьоуп.

"Аӡын ас ду шьҭан. Риҵаҟа амашьынақәа хаҳажьломызт. Акыр иӡысаамҭан. Убри иахҟьеит ҳәа иаҳшьоит аҭааҩцәа рмаҷра", — лҳәоит Лолуаԥҳа.

Рита Лолуаԥҳа лажәақәа рыла акурорттә сезон нҵәаанӡа аихьӡарақәа ҟалар алшоит.

"Ҵыԥхтәи асезон аангьы аԥхьаҵәҟьа акыр ҳаиҵахон, аха нас ԥхынгәы, нанҳәа рзы акыр иманшәалахеит ҳҭагылазаашьақәа", — лҳәеит лара.

Афон ҿыцтәи аҳаԥы адиректор Мирон Чалмаз Sputnik иазеиҭеиҳәеит аҳаԥы иаҭаауагьы рхыԥхьаӡара шеиҵо. Ҵыԥх уажәааны аҳаԥы иаҭаахьан 63 нызқьи 33-ҩык, уажәазы урҭ рхыԥхьаӡара иартәоит 57 нызқьи 150-ҩык ауааԥсыра.

Ихадоу атемақәа